كشفت الفنانة داليا البحيري، عن مفاجأة بشأن مشهد لها برفقة الزعيم عادل إمام في فيلم «السفارة في العمارة»، الذي تم عرضه في عام 2005.
وقالت داليا البحيري، في تصريحات لبرنامج «حد النجوم»: «لما شاركت مع الزعيم عادل إمام مكنش عندي أي محاذير ومينفعش أقوله أصلا إني عندي أي ملاحظات أو مشكلة مع الدور بتاعي في فيلم السفارة في العمارة».
وأضافت: «محصلش إني قلت له مش عايزة مشاهد جريئة أو ساخنة في فيلم السفارة في العمارة، إزاي أنا أقول لعادل إمام عندي محاذير،أنا كنت سعيدة جدا بالمشهد اللي عادل إمام شايلني فيه بالمظاهرة بفيلم السفارة في العمارة، ومصدقتش نفسي إن الزعيم بيكلمني ويعرض عليا الدور».
داليا البحيري: مشهد الزعيم وهو بيشلني على كتفه دي بالنسبة لي تقديمة كبيرة
وتابعت: «لما السيناريو وصل ليا كنت مفكرة نفسي إني كومبارس مع عادل إمام، وكنت وقتها أصلا بطلة في السينما، لحد لما وصلت لمشهد الزعيم وهو بيشلني على كتفه ودي بالنسبة لي تقديمة كبيرة جدا ليا لإن الزعيم بنفسه شايلني على كتفه ومن أهم وأحب الأدوار ليا وكان حظي كبير إني اشتغل مع الزعيم».
