كثير منا يعرفالمخرج خالد يوسف، وإنه واحد من أهم المخرجين في مصر، ويمكن آخر عمل قدمه كان مسلسل سره الباتع في رمضان الماضي والذي حقق صدى ونجاح كبير.
ولكن خالد يوسف على الجانب الآخر مسلسلاته وأفلامه دايما بتكون مثيرة للجدل، وده يمكن لجرأتها، وكمان عشان مشاهد الإغراء اللي بيقدمها، واللي بيتعمد في كتير منها يعتمد على وجوه مقدمتش النوع ده من المشاهد، واللي بيكون إعادة اكتشاف ليهم في مناطق مختلفة..
أعمال المخرج خالد يوسف الفنية مش كتير ومعروفة للناس، ويمكن هو من أهم الأسماء في الوسط الفني وكتير من الممثلين والممثلات بيتمنوا يشتغلوا معاه، لأن أعماله غالبا بتنجح وبتحقق نسب مشاهدات عالية.
خالد يوسف مخرج شاطر ومن مدرسة المخرج الراحل يوسف شاهين، واللي شخصيته وأسلوبه بيكون طاغي على العمل اللي بيقدمه، ويمكن جزء ده بيتمثل في قدرته على إقناع الفنانات بإنهم يعملوا مشاهد الإغراء في أعماله بشكل مبالغ فيه شوية، في منهم بعد كدة قرر ميشتغلش ده تاني، وفي منهم رفض خلال التصوير يقوم بالدور.
يمكن كتير من النجمات بيقبلوا يعملوا ده في أفلام خالد يوسف لأنه بيعتبروه بوابتهم للتواجد والنجومية، وإن اسمهم يكون معروف ويكونوا مشهورين، ومن الناس دول الفنانة داليا إبراهيم، واللي كانت قبل فيلم كلمني شكرا معروف عنها الأدوار الهادية والرومانسية والبنت الكيوت اللي مبتعملش حاجة خالص فيها أي مشاهد سواء قبلات أو إثارة أو أي شيء، ولكن خالد يوسف نجح إنه يقنعها بإنها تعمل النوع ده من المشاهد.
داليا إبراهيم كانت ضيفة برنامج كلام الناس مع ياسمين عز، وسألتها عن إزاي قبلت تعمل الدور ده، فردت وقالت: «قريت السيناريو ورجعت لخالد وقلتله ليه هعمل المشهد ده.. بتاع عمرو عبدالجليل، المشهد بتاع النص اللي فوق والنص اللي تحت، فقالها انتي فنانة والكلام ده، وفكرت مع نفسي وقلت أوكيه هعمله، ولما عملته عمل قلق ودوشة والناس قالولي واخدين عليكي هادية.. ولكن مقارنة باللي بيحصل دلوقتي مكنش فيه حاجة خالص، وهو عشان كوميدي يعيدي».
من النجمات اللي وقعوا باردو تحت تأثير خالد يوسف، كانت الفنانة هند صبري واللي في بداية حياتها اشتغلت معاه في فيلم «ويجا» وطبعا في كتير من الفنانين في البداية بيعملوا أي حاجة عشان الظهور، وبالفعل قدمت مشهد جريء، ولكن كشفت إنها ندمت بعد كدة إنها قدمت النوه ده، ومش ممكن تغامر بإنها تعمل التجربة دي تاني، وكمان كشفت إنها مش هتشتغل مع خالد يوسف تاني لأن مفيش كيميا ما بينهم وقالت كمان «ما فيش حد ماقدمش تنازلات، زى أفلام كان ممكن ماعملهاش فى ظروف أخرى، كنت محتاجة أشتغل علشان اتعرف وانتشر».
وبمناسبة فيلم ويجا، الفنانة ميس حمدان كانت مرشحة إنها تعمل الدور اللي لعبته بعد كدة دوللي شاهين، ولكن هي رفضت الدور بسبب وجود مشاهد فيها قبلات، وقالت في تصريحات ليها: «رحت مكتبه وكان في هاني سلامة، وكان بيقنعني بالدور وأنا كنت متمسكة بعدم قدرتي على تمثيل القبلات والمشاهد الساخنة في الفيلم».
خالد يوسف رد على كلامها ده وقالها «إنتي كده مش فنانة وبطلوا الطريقة دي، وأنتوا اللي أفسدتوا الفن وزمان الفنانين ما كانوا بيفكروا بالطريقة دي وكانوا محترمين أيضاً».
الفنانة غادة عبدالرازق، واحدة من الناس اللي كان ليهم مواقف مع خالد يوسف، وده كان في فيلم الريس عمر حرب، ويمكن غادة مختلفة شوية عن الباقيين لأنها بتقد مشاهد ساخنة عادي، ولكن يمكن مع خالد يوسف الموضوع كان فيه أوفر شوية، وكان في مشهد فيهم جريء شويتين، وكان أوفر شوية وقررت متعملهوش، عشان كدة تم الاستعانة بدوبلير عشان تقوم بالمشهد ده.
