حل الفنان سامح الصريطي وزوجته المربة حنان، الساعات الماضية، ضيوفا ببرنامج “صاحبة السعادة” مع الإعلامية إسعاد يونس.
وخلال اللقاء قالت حنان: “لما زارنا الفنان سامح الصريطي في البيت بعد لما عزمته علي الغداء، هشام ابني سألني وقال لي هو كان جاي ليه؟ هو عايز يتجوزك؟ فأنا اتخضيت أوي وقلت له: هو كلمك؟”.
تعليق صادم من ابن المطربة حنان بعد زواجها من سامح الصريطي
وتابعت: “كانت أول مرة في حياتي أتكسف اتكلم مع ولادي، فقلت له: لأ مش عايز يتجوزني. بس هو بعد كده عرف ووافق على زواجنا”.
وأضافت: ” أميرة بنتي لما رُحت قلت لها أونكل سامح طلب يتجوزني فضلت مبلمة وقالت لي: يعني أنتِ موافقة فقلت لها: بفكر؟ فاتاخدت جدًّا وقلقتني فقالت لي: يا ماما أنتِ شايفة إن ليها لازمة؟ فقلت لها الحياة والوحدة مش لذيذة وأنتِ في ألمانيا دايما. فقالت لي: “خلينا نشوف”.
من جانبه، قال هشام ابن الفنانة حنان: “أي حد كان بيتقدم لماما كنت بقول لها إن فلان هيتقدم لها، ونفس الموضوع كان مع الفنان سامح الصريطي، بس أنا ما ليش إني أتدخل في قرارها”.
وتابع: “من أكتر الحاجات اللي بنضيع فيها وقتنا إننا نثبت لغيرنا أن قرارنا صح، أنا وبنته ابتهال نعرف بعض من فترة بس آخر حاجة اتخيلها أن باباها يتجوز مامتي”.
وأكمل: “لما كان حد قبل كده بيتقدم لها كنت بطلع فيه عيب بالعكس مع سامح قلت لها هينفعك جدًّا”.
وأشار هشام: “أميرة أختي لما هدأت عرفت إن ده في مصلحة مامتها وسيبتها شوية لإنها كانت ممانعة في الأول ومش مصدقة لأن حبها لأمي قوي”.
اقرأ ايضا:
ملاحظة غريبة في صورة نيللي كريم وزوجها هشام عاشور.. لن تصدق ما هي؟
