وافق أنت، وادعك الفانوس ستجد طلباتك كلها شبيك لبيك:طائرات خاصة، قصور ملكية، رواتب خيالية، وأيضااسهم في مشاريع استثمارية كبيرة، وفوق هذا كله ستكون أغلى من كريستيانو رونالدو! يعني من الاخر اطلب واتمني.
هذه أحدث رسالة وصلت من السعودية لمحمد صلاح لكي يوافق على الانتقال إلى صفوف نادي اتحاد جدة السعودي، في صفقة لو حدثت ستكون الأغلى على الإطلاق!
وده يخليك تسأل : مو صلاح كسب كان لغاية دلوقتي من ورا لعب الكورة؟ طيب ناوي ياخذ كام عشان يرضى يسيب ليفربول ويلعب في السعودية؟ وأصلا صلاح دلوقتي بيقبض كام؟
أرقام مدهشة هتشوفها في الفيديو ده، فخليك معانا عشان تعرف الوحه الاخر للايجبشن كينج.. أو بمعنى أصح: الملياردير محمد صلاح
لسة مصير محمد صلاح في الدوري الانجليزي تحته مليون وعلامة وخط: من ناحية المدير الفني طلع يبصم بالعشرة انه مكمل في ليفربول.. ومن ناحية تانية الصحف السعودية مستنية يلبس تيشرت اتحاد جدة في اي لحظة.
واحنا اللي يهمنا لغة الأرقام اللي ورا الصفقة أو بمعنى أصح لغة الفلوس!
وصدقني هتندهش لما تعرف ان صلاح اسبوعيا في ليفربول بيقبض 350 الف جنيه استرليني لكن عرض السعوديه مغري جدا احنا بنتكلم في 1.5 مليون جنيه استرليني في الأسبوع. فهل ده مبلغ كافي لصلاح عشان يضغط على ليفربول؟
حسب التقارير العالمية ثروة محمد صلاح وصلت إلى 145 مليون دولار، يعني أكتر 4 مليارات و495 مليون جنيه مصري.
والثروة دي طبعا حققها من خلال مشواره احترافه وخصوصا مع نادي ليفربول اللي مضى معاه عقد الصيف اللي فات خلي صلاح هو اللاعب الأغلى في تاريخ ليفربول.
ومتنساش كمان نصيبه من عقود الدعاية لأكبر الشركات العالمية زي اديداس وفودافون وبيبسي واوبو، وكمان نصيبه من ليا والتذكارات، والجوائز المالية والمكافآت.
بس الجديد بقى هي القفزة الضخمة اللي هتحصل في ثروة صلاح لو انتقل فعلا لاتحاد جدة، لأنه حسب الصحف السعودية، النادي السعودي كان مقدم عرض ب300 مليون يورو، منهم 100 مليون يورو لصالح ليفربول، و200 مليون يورو لمحمد صلاح، في عقد مدته 3 سنين.
بس مع اصرار ليفربول على التمسك بمحمد صلاح، دلوقتي اتحاد جدة بيقدم عرض جديد وهو حوالي 162 مليون دولار للفريق منهم 108 مليون دولار جاهزين مع 54 مليون دولار تانية هتكون مرتبطة بأداء صلاح مع اتحاد جدة السعودي
أما بالنسبة لمجد صلاح، فأحدث التقارير اتكلمت عن رفع اتحاد جدة لمرتبه بحيث يوصل إلى 150 مليون يورو في السنة يعني بالمصري 4 مليار و950 مليون جنيه، وده معناه 614 ألف جنيه في الساعة.
ولما تيجي تبص هتلاقي ان الحد الأدنى للأجور في مصر هو 3500 في الشهر، يعني مرتب صلاح الساعة الواحدة يكفي المرتب الشهري ل 175 موظف مصري حسب الحد الأدنى للأجور.
وده اللي خلى الناس تقول ان صلاح خلاص هينافس نجيب ساويرس على حجم ثروته، وده اللي خلى ساويرس يدخل على الخط علشان يعلق ويقول انه صعب صلاح ينافسه في حجم ثروته.لكن ده مينفيش ان صلاح من أكبر وأغلى لاعيبة الكورة في العالم، فتفتكر بيصرف فلوسه في إيه؟
حسب الصحف البريطانية الايحبشن كينج سبق وأسس شركة في بريطانيا اسمها Salah UK Commercial، أو بالعربي شركة صلاح التجارية البريطانية، ودي ياسيدي بقى شركة شغالة في الاستثمار العقاري، عن طريق شركتين الأولى “موس ريال ستيت MOS Real Estate” للعقارات، والثانية “ليتنجس ترينتي كينسينجتون lettings business Trinity Kensington» للإيجارات، وتقدر أصولها بـ9 ملايين جنيه إسترليني.
ده غير إن محمد صلاح سبق وضخ أكتر من 2.7 مليون دولار، في صناعة الطوب والأسمنت وأدوات البناء في استثمار منفصل.
