استضاف الإعلامي عمرو اليثي، سيدة تدعى “نادية”، فقدت أبناءها الأربعة في يوم واحد، مما سبب لها صدمة بالغة.
وروت نادية تفاصيل الحادث قائلة: “كان فيه شعلة صغيرة كده عندنا وفيه حد ساكن معانا في البيت لقيناه بيقول في ريحة غاز عندكوا فجأة النـار بقت في كل حتة وحرقت عيالي الأربعة”.
أم تتسبب في وفاة أبنائها الـ4 في يوم واحد.. ماذا حدث؟
وتابعت: “سيد كان في أولى ثانوي
، وهدى كانت في تالتة اعدادي ، وإيمان كانت في أولى اعدادي ، وهند كانت في رابعة ابتدائي”.
وقال عمرو الليثي: “انتي بتقولي أنهم مـاتوا بسبب انك كنتي بتدعي عليهم كنتي بتدعي عليهم ليه قولتي ايه؟”.
لترد عليه: “كانوا بيضربوا بعض، كانوا أشقيا كنت بقولهم تطلعوا في خشبة واحدة انتوا الأربعة ، وربنا حقق الكلام مكنتش اعرف ان ربنا هيقبل الكلمتين دول ودلوقتي انا قاعدة تحت رجليهم في الحوش اللي هما فيه بشوفهم وبيجولي بيأكلوني ويشربوني ومهيصين معايا في الحوش”
ليجيبه الليثي: “قال رسول الله صلّى الله عليه وسلّم ” لا تدعوا على أنفسكم ، ولا تدعوا على أولادكم ، ولا تدعوا على خدمكُم ، ولا تدعوا على أموالكُم ، لا تُوافقُوا من اللهِ تعالى ساعة نيْلٍ فيها عطاء فيستجيب لكم ”
فردت عليه نادية: ” طيب ما أنا مكنتش عارفة ان ربنا هيقبل مني الدعوتين يعني انا كنت عارفة ان ربنا هيقبل مني ودعيت لا مكنتش عارفة والذنب بتاعهم اهو أنا عايشة معاهم وبنضفلهم الحوش بتاعهم وأرشه مياه وأحط مياه للعصافير ومخليها زي الجنة”
واختتمت: “خلاص بقى مفيش حد أدعي عليه أدعي علي نفسي عشان اتحط معاهم بس ، بدعي علي نفسي إني أستريح وأنام معاهم ده اللي بطلبه من ربنا عشان أنا مش مستريحة من غيرهم”.
اقرأ ايضا:
