نشر القارئ والإمام محمد السمرجي، عبر صفحته الشخصية على فيسبوك، جانب من علاقته بالفنان محمد سلام، حاز على إعجاب الجمهور.
وكتب السمرجي: «اتعرفت على محمد في بداية 2019 تقريبًا، ولفت نظري مداومته على الصلاة، محبته للجلوس في المسجد للشروق وقبل صلاة المغرب.”
إمام مسجد يكشف مفاجآت بالجملة عن محمد سلام
وتابع: “أوقات تانية كتير، لا يترك المسجد إلا لو كنا هنغلقه، وده بالنسبة لي كان غريب إن في حد في المجال ده بيحاول يقرب من ربنا بالطريقة دي. فعرفت إن محمد سلام جواه خير كتير جدًا ومن هنا بدأت علاقتنا تزيد».
وأضاف «السمرجي»: «أيام غلق المساجد لقيته بيكلمني، اتصال في شهر رمضان وبيقول لي إنت فين علشان عايزين نصلي التراويح؟ فقلت له إن المساجد مقفولة. فقال لي هنصلي في البيت. وفعلاً صلينا التراويح والتهجد عنده، وده بين لي أد إيه سلام متعلق بالصلاة والقرآن».
وتابع المقرئ: «لقيته في مرة جايب بنته وكان الجو بارد جدا في صلاة الفجر. وقال يا شيخ محمد عايزها تتعود على الصلاة».
واختتم: «ومواقف تانية كتير خلتني أعرف إن سلام مختلف عن البقية. ولذلك لم أستغرب موقفه الأخير، لأن ده سلام اللي المقربين منه يعرفونه جيدا. أدام الله صداقتنا يا صديقي».
وفي وقت سابق، ظهر بيومي فؤاد، في فيديو عبر إنستجرام، قال فيه: «من حقك أنك تعتذر عن المسرحية، لكن مش من حقك أنك تغلط في فنك“.
وتابع: “إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي“.
وأضاف: “محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا».
لمشاهدة الفيديو من هنا:
وأضاف بيومي فؤاد: “إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.”
اقرأ ايضا:
