علق مطرب المهرجانات مسلم على حبه للملابس الغريبة المثيرة للجدل قائلاً: “كان نفسي في حاجات قبل ما اتشهر، وبقيت مدمن لبس و24 ساعة في زارا، وروحي فيه، وفي حاجات بجيبها من بره، وزارا بجيب منه لبس اجمد من جوتشي وديور، وانا بعشق اللبس، وبشتري ب 200 ألف في الشهر لبس”.
وقال مسلم، خلال استضافته ببرنامج “أسرار” مع الإعلامية أميرة بدر المذاع على قناة النهار: “يوم الخطوبة لبست شيفون عشان مختلف وبحب الحاجة الغريبة، وطلعت في حفل العلمين بكروب توب، وبحب الحاجات المجنونة دي والهجوم نجاح، والعرق الصعيدي ده للحاجات التانية، وبحب الموضة لكن عمري ما البس حلق ولا ادق وشم، ولبسي الغريب متطلبات شغلي لكن مش بمشي بيه في الشارع”.
قال مطرب المهرجانات مسلم: “عندي شهوة للفلوس وعلشان كده بحب أشتغل كتير، الفلوس بتعمل كل حاجة ومش بحب الناس اللي بتقول الفلوس مبتعملش حاجة لأ بتعمل كل حاجة”.
وأضاف خلال الجزء الثاني من لقائه ببرنامج “أسرار” الذي تقدمه الإعلامية أميرة بدر بقناة “النهار”: “الفلوس قادرة تخلي الناس اللي مكنتش عايزة تبص ليا يبصولي، إحنا في زمن دلوقتي كله كده”.
وتابع: “أنا أعتمد إن الفلوس كل حاجة، ناس كتير كانت بتقول الفلوس مش كل حاجة ولما مسكوا الفلوس اتغيروا”.
ولفت: “محمد رمضان طبعا ناجح واللي بيعمله حرية شخصية بس أنا عمري ما أعمل زيه زي ما يطلع يبين العربيات اللي عنده ويتصور مع الفلوس، أنا بعمل لنفسي وأنبسط لوحدي وأحترم أوي نظرة البني آدم اللي لسه مجتهدش ولا معاه حاجة فلما بيشوف اللي بيعمله محمد رمضان بيزعل”.
وأوضح: “الفلوس مخسرتنيش المنتج سلطان الشن وإحنا إخوات بعيد عن أي حاجة والمشاكل والراجل كويس معايا”.
مقالات أخرى قد تهمك
خطأ غير متوقع بمشهد ياسمين صبري في السجن يشعل مواقع التواصل.. ايه القصة؟
