رد مطرب المهرجانات الشعبية مسلم، على منتقدي خطبته بعد طلاقه زوجته ميكا البغدادي بشهرين، وذلك من خلال مقطع فيديو نشره على خاصية الاستوري، بموقع إنستجرام.
وقال مسلم: الناس قلبت عليا السوشيال ميديا، ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا.
وأكد: أتمنى الناس تكون عندها عقل وفهم، عشان خاطري إنتوا متعرفوش حاجة، ومحدش يعرف اللى جو البيت بيدور أيه أو اللى جوه الحياة بيبقى عامل ازاى ومحدش يعرف ده عامل إيه وأنا مش بحب أتكلم عن حياتي وبيتي.
وأوضح مسلم: أنا لو طلعت أتكلم عنها أبقى مش راجل، وعمرى ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد.
وكان أعلن مسلم، في ديسمبر الماضي انفصاله عن زوجته ميكا البغدادي، قائلا على إنستجرام: الحمد لله على كل شيء، الحمد لله تم الطلاق رسمي بيني وبين ميكا البغدادي، للأسف مكنتش أحب تكون دي النهاية، ويعلم ربنا إني راعيت الله فيها وتمسكت ببيتي أكثر من مرة.
اقرأ أيضًا: قرار عاجل من النيابة العامة بتشريح جثمان نيرة الزغبي طالبة العريش.. والسبب
