الخير قادم إلى هذا البلد الذي سيجلب لنا 120 مليار دولار ولن نعاني من أي أزمات أخرى. وهذا ما سيحدث بالفعل خلال الفترة المقبلة، حيث تعلن شركة عقارية عالمية عن انضمام مصر إلى شبكتها الدولية، باستثمارات تصل إلى 120 مليار دولار.
بس هو إيه الحكاية؟ ومين الشركة دي؟ وازاي هتدخل كل الفلوس دي للبلد؟ وليه اختارت مصر تحديدا عشان تضخ المبلغ ده فيها؟
واضح كده أن 2024 هتكون سنة خير على البلد كلها وهتعوضنا عن السنين اللي فاتت، مش بس عشان مصر هتنضم للبريكس بشكل رسمي في شهر يناير اللي جاي، لا ده كمان في استثمارات ضخمة هتدخل البلد خلال الفترة الجاية
بس هو إيه حكاية الاستثمارات دي؟
شوف يا سيدي، شبكة نايت فرانك المتخصصة في الاستشارات العقارية أصدرت تقرير دولي استعرض حجم تطور وأعمال سوق العقارات في القاهرة خصوصا في سنة 2022، وده لأن إجمالي استثمارات العقارات وصلت في القاهرة ل20 مليار دولار منهم 16 مليار دولار لقطاع الإسكان
وده يعتبر دليل على قوة سوق العقارات في مصر، فمن ناحية عدد السكان كبير جدا والواحدات المعروضة أقل من الطلب، ومن ناحية تانية في زيادة بأسعار العقارات العقارات السكنية بنسبة 10% في نفس السنة
عشان كده تمت إضافة سوق مصر لشبكة “نايت فرانك” في إفريقيا، واللي كشفت عن خطة صناديق الثروة السيادية في منطقة الشرق الأوسط لضخ 120 مليار دولار في مصر خلال السنة الجاية، وده يدل على ثقتها الكبيرة في نمو سوق مصر
التقرير قال.كمان أنه خلال سنة 2021 استثمرت دولة الإمارات 71 مشروع بقيمة 5.6 مليار دولار، أبرزها كان “حديقة التكنولوجيا الزراعية” في مصر
وحسب تصريحات زينب عادل، مديرة مكتب نايت فرانك في مصر، لقناة العربية، أننا أعلنا اندماج مصر في شبكتنا في منطقة الشرق الأوسط وأفريقيا.
وقالت إن في قلب الأرض التاريخية الفرصة الاستثنائية دي هينقذ تجذب سوق دول مجلس التعاون الخليجي وكمان المشترين في منطقة الشرق الأوسط على حدّ سواء.
وده لأن مصر بتجمع بين تراث غني، وموقع جغرافي استراتيجي، واقتصاد مزدهر، وده بيخليها في مقدمة الوجهات الاستثمارية
ولما اتسألت ليه مصر تحديدا تم اختيارها لشبكة نايت فرانك وهتقدم ايه للمستثمرين؟
قالت إن في زيادة على طلب الوحدات السكنية في مصر مش بس في القاهرة ولكن في منطقة البحر الاحمر والساحل الشمالي و الاقصر وأسوان كمان، مش بس من جانب المستثمرين ده كمان من جانب المصريين في الخارج
ده غير أن في الفترة الأخيرة كبار المطورين عملوا مشروعات في مصر لجذب المستثمرين في الخارج وده هينشط حركة الاستثمار اكتر واكتر
اما فيصل دوراني، رئيس أبحاث الشرق الأوسط في نايت فرانك، قال ان مصر احتلت مكانة خاصة عند مستثمرين دول مجلس التعاون الخليجي، وبنلاحظ دلوقتي ان في زيادة في الطلب بشكل ملحوظ، وده لأن مشتري دول مجلس التعاون الخليجي بيتابع سوق العقارات الثانوية في مصر وخصوصا في منطقة الساحل الشمالي
ده قال كمان أن ضعف الجنيه المصري، وقيمة العقارات المعقولة بالمقارنة مع المدن الكبرى في الخليج، والمناخ الصيفي المُمتع على سواحل البحر الأبيض المتوسط، كلها عوامل بتزيد من جاذبية البلد
وطبعا اي حد فينا يهمه في الليلة دي كلها إجابة سؤال واحد: هيحصل إيه في الأسعار؟
بص ياسيدي، في الساعات الأخيرة في شركات أعلنت عن زيادة أسعار منتجاتها، بي،عضو شعبة المواد الغذائية حازم المنوفي قال إن ارتفاع الأسعار اللي بيحصل دلوقتي مؤقت، علشان كده نصح المواطنين بالتوقف عن شره الشراء والاكتفاء بمتطلبات الاستهلاك اليومي فقط
ودلوقتي بقى قولنا شايف إن ال120 مليار ممكن يحلوا الأزمات الموجودة؟
