«طليقك كان بيضربك؟».. رد صادم وغير متوقع من بوسي

حلت الفنانة بوسي، الساعات الماضية، ضيفة في ببرنامج “حبر سري” الذي تقدمه الإعلامية أسما ابراهيم بقناة “القاهرة والناس”.

وخلال اللقاء قالت بوسي: “لما إتجوزت كان سني 19 سنة، وكان مقفول علي لدرجة إنه منعني أشوف أهلي وصحابي والمقربين”.

تصريحات بوسي عن طليقها

ووجهت المذيعة سؤال لبوسي قائلة: “طليقك كان بيضربك؟”

من جانبها ردت بوسي: “كنا بنضرب بعض، ومش أي راجل ينضرب، في رجالة محترمة وفي بيتشبهوا بالرجالة لكن مش رجالة، لإن الراجل المحترم عمره ما يمد إيده على ست”.

وتابعت: “أنا ضربت علشان كرامتي وعلشان آخد حقي، مش علشان صرف فلوسي على واحدة تانية، ده ميصرفش جنيه على واحدة”.

وأكملت: “كان بيطلب مني حاجات ما ينفعش أقولها، ولما مسكته بيخوني في بيتها كان وقتها اتجوزها من ورايا”.

وأشارت: “أفلام السبكي ضرتني كممثلة وكان شايفني مطربة بس وكان ممكن يستغلني أحسن من كدا”.

وتابعت: “أحمد السبكي أنا بحبه وعلى عيني وعلى راسي بس كان شايفني في حتة الأفلام التجارية وأغاني ونهذر ونضحك وما كانش شايفني ممثلة أقدر أعمل حاجة”.

اقرأ ايضا:

سر الصورة المنتشرة على مواقع التواصل الاجتماعي.. لن تصدق من هي؟