لو كنت تفكر تأمن مستقبلك وتبحث على دخل شهري ثابت يغنيك عن الاحتياج وسؤال اللئيم ؟ وفي نفس الوقت يضمن لك فلوس ثابتة تقبضها كل أول شهر، فإن هذا التقرير من أجلك وهذا لأننا سنقول لك طريقة تقبض بها مرتب شهري من البنك الأهلي وأنت في بيتك.
6000 الاف في الشهر بالنسبالك كفاية؟ يعني مبلغ يدعمك كدخل شهري في وسط الغلا اللي احنا فيه أكيد هينفعك، تعالى نقولك إزاي تاخد المبلغ ده من البنك الأهلي المصري؟
ومتخفش دي مش خدعة الكلام ده بجد، وده لأنك لو اشتريت الشهادة البلاتينية الـ 3 سنوات بعائد ثابت 19%، واللي بيقدمها البنك الأهلي المصري لعملائة هتقدر تحقق الدخل ده. وده لأنه بتعتبر الشهادات الإدخارية أحد الأوعية الإدخارية والمصادر الموثوقة.
طيب إزاي تحقق دخل شهري يزيد على 6000 جنيه في الشهر من الشهادة دي، هقولك ياسيدي في الأول لازم تعرف مميزات وقواعد شراء الشهادة دي من البنك الأهلي المصري.
والحقيقية إنه مميزات الشهادة البلاتينية الـ 3 سنوات كتيرة جدا أولها هي مدتها وإنها بتوصل لـ 3 سنين، كمان الحد الأدنى لشرا الشهادة هو 1000 جنيه ومضاعفاتها.
والجميل في الموضوع إن العائد على الشهادة دي بيكون 19% سنويًا وبيتصرف شهري، وبيتحسب ليك من تاني يوم عمل في البنك من وقت ما اشتريت للشهادة.
والمفاجأة إنك ممكن تاخد قرض بالشهادة دي، لا مش بس كده ده انت كمان تقدر تقدم على بطاقات الائتمان اللي بيقدمها البنك الأهلي بأنواعها المختلفة بضمان الشهادة دي .طيب إزاي الشهادة دي تدخلي 6000 جنيه شهري
لو حسبنا العائد الشهري من الشهادة البلاتينية الـ 3 سنوات، في حالة استثمار مبلغ 380 ألف جنيه على نسبة الفائدة 19% ، هيكون قدامك فرصة إنك تحقق دخل شهري 6000 جنيه شهري.
طيب هو مفيش شهادات تانيه؟لا في كتير وده لأن البنك الاهلي بيقدم شهادات مختلفة تناسب كل العملا، عندك مثلا الشهادة البلاتينية اللي بـ العائد المتدرج.
ودي الحد الأدنى لشراءها ألف جنيه ومضاعفاتها، ومدتها بتكون 3 سنين، والعائد متدرج يعني السنة الأولى بيكون 22% والتانية 18% والتالثة 16%.
الشهادة البلاتينية اللي بـ العائد المتغير
ودي بيكون الحد الأدنى لشراءها بيكون ألف جنيه ومضاعفاتها، ومدة الشهادة بتكون 3 سنين وسعر العائد بيكون 19.5% ربع سنوي، وهو متغير وده معناه إنه بيكون مرتبط بسعر الفايدة اللي بيعلن عنها البنك المركزي المصري لكن بزياده 0.25% بالبلدي ربع في المية.
الشهادة الخماسية فدي بيقدمها البنك الأهلي
والحد الأدنى عشان تشتريها هو ألف جنيه ومضاعفاتها، ومدة الشهادة دي بتكون 5 سنين، وسعر العائد 12.25%.
شهادة أمان المصريين
ودي تقدر تشتريها من أول 500 جنيه ومضاعفاتها وبحد أقصى 2500 جنيه ودي مدتها بتكون 3 سنين وسعر العائد عليها بيكون 13%.
ولو بتدور على الشهادات الدولارية في البنك الأهلي المصري، فـ عندك شهادة الأهلي فورا، ودي تقدر تشتريها من أول 1000 جنيه ومضاعفتها ومدتتها 3 سنين والعائد 9% وبيتصرف بالجنيه المصري بس بشرط انك هتاخد الفايدة بتاعتك مقدمًا 27%
أما بقى شهادة الأهلي بلس فـ الحد الأدنى لشراها 1000 جنيه ومضاعفتها ومدتها بتكون 3 سنين والعائد بيكون 7% بس هتقدر تصرفه بالدولار ربع سنوي .
قولنا رأيك في الشهادات اللي بيقدمها البنك الأهلي؟