ناس كتير بتفكر تستثمر فلوسها في شهادات الإدخار، عشان كده البنوك كل يوم والتاني بتعلن عن طرح شهادات جديدة بعائد كبير، ومن ضمن هذه الشهادات شهادة تمنحك عائد 6300 جنيه كل شهر. تابعونا لمعرفة التفاصيل:
خلال الشهور الأخيرة البنوك كانت بتعلن دايما عن طرح شهادات إدخارية بعائد كبير وده عشان تجذب أكبر عدد من العملا ليها، وبالفعل ناس كتير بدأت تتجه لشهادات الإدخار بس للأسف بيكونوا في حيرة عن أنسب شهادة موجودة دلوقتي
لكن أنا بقى هقولك عن شهادة بيقدمها واحد من البنوك في مصر بتقدملك عائد شهري بيوصل لأكتر من 6000 جنيه، بس إيه حكاية الشهادة دي؟
شوف يا سيدي، حسب جريدة الوطن، بنك الاستثمار العربي بيقدملك شهادة خماسية تقدر من خلالها تاخد مكسب اكتر من 6 آلاف جنيه تقريبا كل شهر، وده من خلال استثمار مبلغ 600 ألف جنيه فيها، والمكسب حسب دورية العائد.
يعني لو اخترت العائد الشهري بنسبة 12.25%، هتكسب كل شهر 6260 جنيه يعني حوالي 6300 جنيه، و72 ألف و 500 جنيه سنويا، و367 ألف و 500 جنيه نهاية مدة الشهادة
أما في حالة استثمار نفس المبلغ ده بعائد ريع سنوي 12.5% ، كده أرباحك كل 3 شهور هتبقى 18 ألف و750 جنيه كل 3 أشهر، و75 ألف جنيه سنوي، و375 ألف جنيه في نهاية مدة الشهادة.
وفي حالة ربط الشهادة بمبلغ 600 ألف جنيه في الشهادة الخماسية من بنك الاستثمار العربي، بس عائد سنوي 12.75% تكون الأرباح المحققة 76.500 ألف جنيه بنهاية في السنة، يعني حوالي 382.5 ألف جنيه بنهاية مدة الشهادة.
بس ياتري إيه مميزات الشهادة دي؟
شوف ياسيدي، الحد الأدنى لربط الشهادة هو 1000 جنيه، بفايدة 12.25%، بدورية صرف العائد ربع سنوي 12.5% وسنوي 12.75%، مدة الشهادة دي هي 5 سنين
وعلى فكرة البنك بيطرح شهادات تانية بجانب الشهادة الخماسية زي مثلا الشهادة الثلاثية، اللي أعلن بنك الاستثمار العربي عن إصدارها في إبريل اللي فات
وبحسب تامر سيف الدين الرئيس التنفيذي للبنك للمصري اليوم، إن الشهادة دي بأجل 3 سنين بعائد ثابت وبسعر فايدة سنوي يوصل لـ 18%
دي كمان بتقدم دوريات صرف عائد مختلفة بسعر فايدة 17.25% بيتصرف كل شهر، و17.5% بيتصرف بشكل ربع سنوي، و18% بيتصرف سنوي
وعلى فكرة الشهادة دي بيتم بيعها من أول 1000 جنيه كحد أدنى، وبيتم كسرها بعد مرور 6شهور من تاريخ شرائها، كمان ممكن تقترض بضمان الشهادة لحد 95% من قيمتها
وبالمناسبة البنك الأهلي بيطرح برضو الشهادة الخماسية خاصة بالشركات بعائد متنوع لكن بشرط أنها تكون شهادات اسمية لايجوز تداولها أو تحويل قيمتها أو رهنها والتصرف فيها بأي صورة من التصرفات الناقلة للملكية
لكن إيه تفاصيل الشهادة دي؟
أنا أقولك، البنك الأهلي بيقدم الشهادة بسعر فايدة ودورية صرف مختلفة، بعائد شهري 6.75%، وعائد ربع سنوي بيوصل لـ 7%، أما بقى النص سنوي فبيوصل لـ 7.25% والسنوي لـ 7.5%، وبتكون عملة الشهادة دي هي الجنيه المصري ومدتها 5 سنين
وبالنسبة بقى لمميزاتها، فأول ميزة ليها هو احتساب العائد بتاعها من تاني يوم العمل بيها، وممكن الاقتراض بضمانها
لكن صعب أنك تكسرها قبل مرور 6 شهور، وعلى فكرة الحد الأدنى لشرائها 50 ألف جنيه، كمان بيتم تجديد الشهادة تلقائيًا وفقا للسعر المعلن
ودلوقتي قولنا إيه أنسب شهادة ممكن تستثمر فلوسك فيها؟