لو شايف إن أسعار العربيات ولعت ومفيش امل انك تشتري عربية شيك وبإمكانيات محترمة وبسعر على قد الايد يبقى اسمعني لآخر الفيديو وانا هقولك على اكتر من عربيات سعرهم بيبدأ من 150و 200 الف جنيه
مش بس كده ده انا كمان هقولك على مصير الأسعار الفترة الجاية في سوق العربيات المستعملة، بس لو عايز تعرف تفاصيل اكتر تابعني لآخر الفيديو وانا هقولك.
بعد ما أسعار العربيات زادت بشكل كبير جدا الشهور الأخيرة الناس فقدت الامل في أنهم يشتروا عربية محترمة بأقل سعر ممكن، لكن استنى انت دلوقتي تقدر تشتري عربية بإمكانيات محترمة وبأقل من 300 و250 الف جنيه، لكن إيه التفاصيل؟
شوف ياسيدي، حسب موقع صدى البلد فأنت دلوقتي ممكن تشتري عربية سكودا أوكتافيا A4 موديل 2003 UGN بمحرك سعة 1600 سي سي و4 سلندر من 8 وبقوة 101 حصان ، بناقل حركة مانيوال من 5 سرعات، أو أوتوماتيك 4 سرعات
ودي سعرها في سوق العربيات المستعملة 250 الف جنيه بس ممكن سعر العربية يزيد او يقل حسب حالة العربية.
وعندك كمان عربية دايو نوبيرا موديل 2001 بمحرك سعة 1600 سي سي، “مانيوال” خماسي النقلات، ودي فيها كماليات كتير جدا زي أنها موفرة في البنزين، وقطع غيارها متوفرة في السوق المحلي وبأسعار مناسبة، ودي تقدر تشتريها ب240 الف جنيه.
وعندك كمان جيلي امجراند 7 موديل 2015، مانيوال، بمحرك رباعي 4 سلندر، وسعة 1500 سي سي وبقو 107 حصان ودي تعتبر ارخص عربية فيهم لأن سعرها 200 الف حنيه بس.
وفيه شيفروليه أفيو موديل 2009، اتوماتيك سعة 1400 سي سي و 1500 سي سي، وعلى فكرة دي في منها فئة مانيوال وعموما هي سعرها 260 الف جنيه.
انت كمان ممكن تشتري عربية هيونداي فيرنا موديل 2007 “4 سلندر”، بسعة 1600 سي سي، وبقوة 106 حصان، “مانيوال” بسعر 210 الف جنيه.
وممكن تشتري عربية سايبا برايد موديل 2009 مانيوال، وبسعة محرك 1500سي سي، وكل ده بسعر 150 ألف جنيه، بس ممكن السعر يزيد او يقل حسب حالة العربية.
طب ايه رايك بقى انك ممكن تشتري عربية مرسيدس C300 بسعر 150 الف جنيه ، ودي عربية اوتوماتيك موديل 1985، وبسعة محرك 3000 سي سي.
مش بس كده انت كمان ممكن تشتري عربية تويوتا ستارليت هاتشباك بمحرك سعه 1300 سي سي ، مانيوال، بسعر 150 الف جنيه.
وعندك كمان عربية سكودا فليشيا موديل 1996، مانيوال، بمحرك سعه 1300 سي سي ودي سعرها في سوق المستعمل 130 الف جنيه.
ولو عايز بقى عربية صغيرة لبنتك أو لمراتك فأنت عندك عربية دايو ماتيز، موديل 1999، بمحرك سعه 800 سي سي، مانيوال، بسعر 115 الف جنيه.
لكن هو ايه سبب ارتفاع أسعار العربيات المستعملة اصلا؟
أسامة أبوالمجد، رئيس رابطة تجار السيارات، قال إن اسباب ارتفاع أسعار العربيات الفترة اللي فاتت هو نقصها في السوق بشكل عام وده السبب الأكبر، بالإضافة ان البنوك مش قادرة توفر الدولار عشان نشتري عربيات من بره
عشان كده بقى فيه حالة من الجمود في سوق العربيات، لأن الأسعار المبالغ فيها نتيجة عدم توفر الدولار، عشان كده ابو المجد قال أن الأزمة هتستمر ما دام مفيش تدبير للعملة الأجنبية.
ودلوقتي قولنا إيه ارخص عربية ممكن تشتريها؟