كشفت الفنانة سوسن بدر عن رأيها في الزواج وإن كنت تفكر في هذه الخطوة بعام 2024 مؤكدة أنه ليس من ضمن أحلامها.
وقالت سوسن بدر خلال لقائها في برنامج “واحد من الناس”: “الجواز مش من ضمن أحلامي، لكن أنا مش ضد الفكرة ومش ضد أن حد عايز يعملها في أي سن لا الحب ولا الجواز عيب ولا حرام لا على راجل ولا على ست”.
وعن فكرة وجود الونس في حياتها قالت: “أنا معنديش وقت دلوقتي ومش من متطلباتي، ولو خطر على بالي معنديش مشكلة ولا شايفه إنه عيب”.
وعن أمنياتها للعام الجديد 2024 على المستوى الفني قالت سوسن بدر: “نفسي أعمل كوميدي بقالي كتير معملتش وأنا بحب الكوميدي جدا أنا كانت بدايتي كوميدي ومعرفش ليه مبقتش بتجيبني أعمال فيها كوميديا”.
وعلى المستوى الشخصي وجهت رسالة لأولادها وأحفادها قالت فيها: “لأولادي نفسي ينجحوا ويبقوا مطمنين، ولأحفادي بتمنى سنة سعيدة ليهم واللي بيسوق يسوق على مهلة لأني ببقى حاطة إيدي على قلبي، ومايا اللي بتلعب كرة قدم مش كل شوية تديلنا مكسورة”.
يذكر أن سوسن بدر تنتظر عرض فيلم “آل شنب” الذي تشارك في بطولته وشهد عرضه الأول في الدورة السادسة من مهرجان الجونة السينمائي.