حلت الفنانة إسعاد يونس، الساعات الماضية، ضيفة ببرنامج AB talks، تقديم الإعلامي أنس بوخش، حيث كشفت عن أسرار حياتها الخاصة.
وخلال اللقاء تحدثت إسعاد يونس، عن ضرتها الفنانة شيريهان، التي تزوجها زوجها علاء الخواجة منذ عدة سنوات.
“ليه وافقتي تخلي شريهان ضرة ليكي؟”.. رد غير متوقع من إسعاد يونس
وقالت إسعاد يونس: “في الأول كنت في حالة صدمة وغيرة وبكاء، وبعدين قعدت أفكر هل أنا مثالية وجميلة الجميلات؟ لأ طبعا، والراجل ده أنا بحترمه وممكن أتخلى عن كونه يتجوز مقابل إني معايا كل الكنز ده.”
وتابعت إسعاد يونس: “كمان الولاد كانوا سبب كبير في إني أكمل في علاقة الزواج بعد جوازه للمرة التانية، وأفضال الراجل ده عليا كبيرة”.
وتابعت: “ابتديت أهدى لأن الظروف جمعتنا أنا وضرتي ولقيت إنهم حبوا بعض وهي شايفاني قدوتها، وهي هتخلف وهيبقى في شراكة دم بيننا، وكان لازم أخلي الوضع ده متحضر.”
وأردفت إسعاد يونس: “هي في الأول كانت متضايقة من الهجوم اللي كان عليها، ولو كنت طلبت منها عينيها كانت هتديهالي، وأنا حبيت إنسانيتها جدا وقدرتها على التحمل وصمودها أمام المصايب”.
واختتمت: “احتياجنا لبعض كان لأن بناتها مينفعش يتربوا في وضع مش صح، وبنعيش كلنا في حالة عائلية وسلام وأنا مش مضطرة أدخل في حروب.”
اقرأ ايضا: