علق الإعلامي عمرو أديب عن موجة الانتقادات التي تعرض لها النجم بيومي فؤاد بسبب كلمة ألقاها في نهاية عرض مسرحية “زواج اصطناعي” بموسم الرياض.
وقال عمرو أديب خلال تقديمه برنامج “الحكاية” المذاع عبر قناة MBC مصر: “إيه اللي بتعملوه مع بيومي فؤاد ده؟ هو الراجل عمل إيه، وإيه الشتيمة القبيحة دي؟ ده لو عرض المسرحية في إسرائيل مكانش عملتوا معاه كده“.
عمرو أديب على أزمة بيومي فؤاد
وأضاف: “عايز أسأل ضميركم سؤال، لو إنت متضايق من بيومي فؤاد، وشايف إنه عبد للفلوس والمادة ومش شايف فلسطين، هل اللي إتعمل فيه النهاردة قد اللي عمله، وهذا العقاب الجماعي الأسطوري على كلمتين قالهم على المسرح؟”
وتابع: ” دي ناس شغلتها تمثل وتعمل حفلة وتغني، وهاني شاكر وهشام عباس وإيهاب توفيق شغالين، هل بقوا خونة؟“.
وفي وقت سابق، ظهر بيومي فؤاد، في فيديو عبر إنستجرام، قال فيه: «من حقك أنك تعتذر عن المسرحية، لكن مش من حقك أنك تغلط في فنك“.
وتابع: “إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي“.
وأضاف: “محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا».
لمشاهدة الفيديو من هنا:
وأضاف بيومي فؤاد: “إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.”
اقرأ ايضا:
“أنا أتهنت واتظلمت”.. بيومي فؤاد يوجه رسالة نارية لـ محمد سلام