أشاد الفنان ياسر جلال، ببرنامج شقيقه رامز جلال، وذلك خلال حواره في برنامج الراديو بيضحك الذي يذاع على راديو 9090.
وقال ياسر: أنا بس عايز أقول لكل الناس اللي بتتكلم عن رامز أو بتهاجمه، رامز دلوقتي الفنانين هما اللي بيرحوله برجليهم لدرجه أن ليا ناس من زمايلنا بيكلموني معقولة رامز مجبناش متقولو، وأرد اقولهم أنا والله مليش دعوة بشغله.
وأضاف: رامز أصبح دلوقتي مش ظاهرة لا دا حقيقه موجوده معانا كل سنه في رمضان الأطفال والكبار بيستنوها حتى اللي ليه تحفظ على رامز بيقعد يتفرج عليه.
وأكد: أنا حقيقي بشكره على اللي بيقدمه وعلى شجاعته وتحمله وعلى كم الحروب اللي بيخوضها ومع ذلك بيفضل زي ما هو نجم النجوم، ربنا يبارك فيك ويفوقك، أنا أكتر حد في الكون عارف أنك تستاهل كل خير لأن رامز ده طول الوقت بيعمل خير كبير عشان كده ربنا ساترها معاه وبيوفقه فربنا يوفقك دايما يا أخويا.
ومن الجانب الآخر رد الفنان ياسر جلال، لأول مرة على رسالة الفنانة ميار الببلاوي، والتي وجهتها له بسبب رفضه مساعدتها في الحصول دور بمسلسل الفتوة.
وقال: ميار أخت عزيزة وغالية، وأنا اشتغلت مع ميار بعد ما خلصت المعهد سنة 1992 في مسلسل اسمه خشوع من إنتاج صوت القاهرة، ومن هذا التاريخ مشوفتش ميار الببلاوي.
وتابع: هي كلمتني في التليفون وقالت عايزة تمثل وكنت في فترة تصوير الفتوة، لأن الدور ينفع لها بالحجاب، وأولا مكانش في أدوار، وثانيا أي نجم محترم ليس له التدخل في كاست العمل، ده شغل المخرج، وأنا رأيي استشاري.
وأضاف: الحاجة التانية أنا مش بقول على مدير أعمالي اللبيس وأحسها كلمة معيبة، ودائما أقول المساعد أو مدير أعمالي، هي ممكن اختلط عليها التواريخ، وأنا بغير رقمي كتير وهي مش معاها رقمي، ويمكن طلبت رقم تاني.
ووجه لها رسالة: أقول لها مايصحش يا ميار مكانش العشم، أنا لا أذيتك في شيء ولا عملتلك حاجة، وأنا أحترمك ولازلت أحترمك.
اقرأ أيضًا: أول رد من ياسمين عبدالعزيز على تصريحات أحمد العوضي