تداول رواد مواقع التواصل الاجتماعي، صورة لطفل صغير، قيل أنها تخص فنان شهير في وقتنا الحالي.
وبالبحث تبين أن هذا الطفل هو الفنان والمطرب محمد حماقي في مرحلة طفولته، قبل أن يصبح من أهم فناني مصر حاليا.
هذا الطفل أصبح فنان شهير.. خمن من هو؟
وفي وقت سابق، كشف حماقي، عن وصيته لابنته فاطمة بعد وفاته، خلال لقائه في برنامج بيج تايم الذي يقدمه الإعلامي عمرو أديب.
وقال حماقي: فاطمة بنتي أحلى حاجة حصلتلي وكنت بسمع قبل ما أخلف إن أقوى حب هو حب الأب لأولاده بس ماكنتش متخيل الإحساس وهو أقوى من الوصف ودخلت العمليات عند ولادتها وحسيت ساعتها كأنه شريان جديد واتفتح.
وتابع: فاطمة بنتي بتقول للناس أنا ببايا حماقي بس بتقول لي بابا وبعد 4 سنين من ولادتها بقت العلاقة قوية بينا وبتلعب كورة وأهلاوية زي بس مش بالعافية.
وأكد: قولت محدش هيتجوز بنتي غير لما أموت ابقوا جوزوها ولا يمكن أديها لـ راجل وأنا أوحش من عادل إمام في فيلم عريس من جهة أمنية في الحتة دي، وعارف إنه غلط بس أنا هعمل كده.
وأوضح: التحديات اللي قابلتني في مشواري إني كنت بدخلها وأنا عندي يقين إني هكسب، معقبًا: طلع عين اللي جابوني في المزيكا واشتغلت في كل حاجة، وكنا بنغني في أفراح وسط السطوح وأخويا لما كان يبقى عنده رحلة في الجامعة كنت باخد الفرقه ونروح نغني ببلاش عشان الناس تسمعنا واتعلمت من ده كله بضمير.
اقرأ ايضا:
هجوم حاد على حسن شاكوش وعمر كمال بسبب هذه الصورة.. ما القصة؟