روى الفنان كريم عبد العزيز، كوليس صادمة عن فترة صعبة مر بها عندما اكتشف إصابته بـ9 جلطات في الرئة، خلال لقائه ببرنامج “sold out” المذاع على منصة watch it مع الإعلامي محمود سعد.
وقال كريم عبد العزيز: “فجأة لقيت آلام غير طبيعية في صدري افتكرته برد ودهنت “فيكس وأبو فاس” وبعدها عملت أشعة ومشيت، فوجئت تاني يوم برسايل بيطلبوا أني أروح للمستشفى فورا وأنا مش حاسس بحاجة”.
«قالولي هتموت».. كواليس صادمة وراء مرض كريم عبد العزيز
وأضاف: “وصلت لقيت ناس واقفة مستنياني وبيسألوا إزاي واقف على رجلي، وقتها كان عندي 36 سنة دخلت الأوضة مع الدكتورة وقالتلي أنا أسفة لكن دا الطب ولازم أقولك “You will die” إنت هتموت”.
وأكمل كريم: “كنت عايز أهرب من المستشفى وطلبت منها إني أروح أشوف ولادي، قعدت في المستشفى 4 أيام في العناية المركزة وكل الأفكار الغريبة كانت في بالي كل اللي بفكر فيه أولادي”.
وأردف: “قررت أشوف دكتور تاني وفعلا قابلتله وقلت له إني لو قعدت في مستشفى هموت، لحد ما سألني بشتغل إيه قولت له ممثل ومش عايز أقعد في مستشفى، اتفق معايا إني مقعدش في مستشفى وأخدت الأدوية والحقن في البيت”.
ومؤخرًا ظهر الفنان كريم عبد العزيز، في حفل زفاف ابن الفنان ماجد الكدواني «يوسف» وهو يعبر عن فرحته بشكل لافت.
وظهر كريم عبد العزيز، بجوار صديقه ماجد الكدواني، وهو يمسك الدوف، ويضرب عليه على أغاني المطرب الشعبي محمود الليثي، ابتهاجًا واحتفالًا بفرحة يوسف ماجد الكدواني.
وقال رواد مواقع السوشيال ميديا: كريم عبدالعزيز لخص معنى الصديق والصاحب في مشهد رقصه وسعادته في فرح ابن صديقه ماجد الكدواني.
اقرأ ايضا: