هيفاء وهبي استيقظت من النوم وجدت نفسها خسرت تحويشة العمر، اتغفلت في 4 مليون دولار مرة واحدة، الضربة جاءت من أقرب شخص لها ولما قررت تواجه قيل لها عيب يا هيفاء أنا زوجك.
وميصحش تشكي فيا كده ده أنا ستر وغطا عليكي.. قالت وحياة العيش والملح اللي بيننا لتاكل عيش وحلاوة وتنام ع البورش.. محمد وزيري مدير أعمال هيفاء وهبي يخرج في السجن بعد 3 سنوات حبس.
يا ترى إيه هي كواليس خروجه؟. وليه أول رد فعل عمله كان صادم للكل؟.. إزاي مبيردش على حد وقرر يعمل إيه في حياته الفترة اللي جاية؟.. لو كنت من محبين هيفاء وهبي تعالوا اقولكم تفاصيل الحكاية اللي حصلت لها من أقرب الناس ليها وإزاي واجهت الموضوع لحد ما جابت آخرها وباعت القضية.
محمد وزيري عرف قيمة نفسه أكتر وهيقدرها واللي حصله من 3 سنين فاتوا مش هيتكرر تاني عشان قعدة البورش علمته كتير.. هيدلع نفسه وينسى الماضي الصعب بعد ما عرف قيمة الحياة بره الحبس ومش هيكرر غلطته تاني.. أول صورة ظهر فيها مدير أعمال هيفاء وهبي السابق من ساعات بعد ما خرج من الحبس والكل اتفاجئ بيها.
اللي عمل غلطة يتحاسب عليها بالذات لما يكون في قانون يحمي الكل ويرد الحقوق.. واللي حصل غدر لهيفاء وهبي من كام سنة عمله مدير أعمالها السابق محمد وزيري.. وعشان يخرج لازم تعرفوا الكواليس.. محامي هيفاء وهبي جابلها حكم بالتحفظ على أمواله ومن هنا أكيد فلوسها هتاخدها.
هيفاء وهبي من أيام قالت إنها ولا فارق معاها الحكم زي ما قالت هي سايبة القضية للمحامي بتاعها وواثقة فيه وخلاص اللي يحصل يحصل.. وكان باين عليها زهقت من القضايا والجلسات وباعت القضية خالص.. لحد ما اتفاجئنا كلنا من ساعات بأول صورة لمحمد وزيري بعد حوالي 3 سنين وقال مقولة كده على لسان ستيفاني بيركنز واللي هي كلما عرفت أكثر من أنت وما تريد كلما قللت من ترك الأشياء تزعجك.
وواضح من كلامه إنه خلاص عرف قيمة نفسه والغلطة اللي حصلت ومش هيكرر أي غلطة تاني.. بس اللي عمله خلى الناس تستغرب.. هو كان بيتسئل في التعليقات عن خروجه حقيقي ولا لأ ومن كتر الأسئلة اضطر إنه يقفل خاصية التعليقات خالص وميردش على حد.. لكن بعدها رجع فتحها من تاني.. لكن اللي واضح إنه خرج بالذات بعد ما هيفاء وهبي خدت حكم التحفظ على أمواله.
الحكاية بدأت لما محمد حمزة عبد الرحمن محمد الشهير بمحمد وزيري تم اتهامه من هيفاء وهبي إنه لهف منها 63 مليون جنيه من غير وجه حق من ممتلكاتها وده بموجب توكيل عام كان بيديله الحق في التعامل في المبالغ المستحقة ليها عند المنتجين والقنوات الفضائية وبعض منظمي الحفلات.
محمد وزيري خد حكم 5 سنين وبعدين اتخفف الحكم بعد الاستئناف وبقى 3 سنين.. ومع تداول القضية اتقال إنه متهم بتبديد 4 مليون دولار من فلوس هيفاء وهبي وخد منها 5 ڤيلل.. شاركوني في التعليقات برأيكم في اللي عمله محمد وزيري بعد ما خرج من السجن؟.