انفصال الفنان محمد فراج عن زوجته الفنانة بسنت شوقي.. الجمهور في حالة صدمة من الخبر وليس له حديث إلا عن الأمر، فالبعض حزين بسبب الخبر ويتمنى أن لا يكون حقيقي.
لكن في كلام كتير عن إنه حقيقي لأ وكمان سابته وسافرت على المغرب ومقوية قلبها وعايشة حياتها عادي ولا في دماغها حاجة.. وفي الفيديو ده هقولكم هل في انفصال ولا مفيش؟ وليه بسنت شوقي سابت محمد فراج وراحت المغرب؟ ومين الفنانة الشهيرة اللي الجمهور بيردد اسمها في الموضوع ده.. يلا بينا.
طبعًا موضوع الانفصال ده خلى الجمهور يستغرب عشان في قصة حب بين محمد فراج وبسنت شوقي وكمان هما دايمًا كانوا يتخانقوا ويرجعوا لبعض في فترة الخطوبة لكن يخلعوا من بعض دي غريبة شوية.
المهم الناس بتقول ده محصلش واللي بيتقال ده مش حقيقي.. وناس بتقول ده حصل وبسنت شوقي أصلًا كان باين عليها إنها مسيطرة ومش هتعّمر.. لكن الكلام على الانفصال لحد دلوقتي مش محسوم ومفيش حد من الاتنين سواء فراج أو بسنت طلع يقول إيه الحقيقة؟.. لكن رغم كده الكلام الأكتر بيدور حوالين الانفصال وعشان بسنت في المغرب اتقال إنها فعلًا سابته ومشيت.
مطاردة مستمرة
خليني أقولكم إن موضوع انفصال محمد فراج وبسنت شوقي ده مش أول مرة الناس تتكلم عنه وعلطول في شائعات بتطارطهم إنهم انفصلوا ويمكن ده مش من فراغ أكيد بتتسرب معلومة إنهم متخانقين ولا حاجة فالكلام يكتر ويتقال إنهم انفصلوا.. وكان آخر مرة الناس اتكلم على السوشال ميديا إنهم انفصلوا في شهر مارس اللي فات وداليا شوقي أخت بسنت رفضت تتكلم عن حقيقة الانفصال ده لما اتسألت.. وفي الغالب الشائعات اللي بتحصل بخصوص الانفصال بتكون محصلتش.
بسنت شوقي في المغرب
كل الكلام عن انفصال محمد فراج وبسنت شوقي جاي في وقت موجودة فيه بسنت في مدينة مراكش في المغرب طبعًا ده بيخلي الناس تتأكد إن فعلًا في انفصال.. لأ وكمان بسنت عايشة حياتها عادي ونشرت صورة ليها على حسابها في إنستجرام طبعًا كان الإطلالة رقيقة ولبست فستان طويل لونه أخضر بس مقالتش سبب وجودها هناك إيه؟.. يعني لا في توضيح ده شغل ولا فسحة ولا إيه الحكاي.
والفنانة اللي اسمها بيتردد في الموضوع بتاع الانفصال ده هي الفنانة غادة عادل.. ده مش عشان خاطر هي سبب في الانفصال ولا حاجة أو هي اللي هتكون مكانها وفي قصة بينها وبين فرّاج مثلًا لأ ده عشان خاطر هي اللي ظهرت معاها في الصور اللي نشرتها وهي في المغرب وقالت: “24 ساعة في مراكش مع هذا الجمال”.
الحقيقة الغائبة
المعروف إن جوازة محمد فراج وبسنت شوقي كانت شاغلة الناس جامد جدًا في مواقع التواصل وهما عملو شو حلو وقت جوازهم من سنة كده.. وبردوا انفصالهم شاغل الناس وده كان من ساعات قليلة بس الحقيقة بقى اللي عرفناها من مصادر مقربة لمحمد فراج إن مفيش انفصال حصل وكمان مفيش بينهم خناقة كبيرة مثلًا تخلينا نقول في تمهيد للانفصال أو حاجة.
وكمان بسنت شوقي معروف عنها إنها متهورة حبتين يعني لو في انفصال هتعمل أن فولو لفراج من إنستجرام وتحذف الصور وده محصلش والاتنين عند بعض وصورهم زي ما هي وكمان فراج معملش خطوة زي دي.. وكل الحاجات تقول إنهم تمام ومفيش انفصال ولا حاجة وتعتبر شائعة زيها زي قبل كده.