تصدر التريند كثير بسببها.. لكن خلاص الاثن حدث بينهم مشاجرة وخلاف ولن يعملوا سويا مرة أخرى، حديثنا هنا عن الفنانة ياسمين صبري وخناقتها مع الميكب آرتست الشهير شريف طانيوس.
يا ترى إيه حكاية الخناقة اللي بين ياسمين صبري والميكب آرتست شريف طانيوس؟ مش هتصدق اللي حصل بينهم بعدها؟ ومين أفضل حد عمل ماكياج لنجمة الماركات العالمية وقررت تشتغل معاها خلاص؟.. وليه الجمهور شايف القرار في صالح ياسمين؟.. خليكوا معايا في الفيديو ده هقولكم تفاصيل الحكاية.
ياسمين صبري من النجمات المعروفة بجمالها على الساحة الفنية والطبيعي إنها تختار تتعامل مع ميكب أرتيست محترف يبرز جمالها وشكلها الحلو خاصة إنها اسم لبراندات وماركات عالمية.. وشريف طانيوس اشتغل معاها فترة طويلة جداً لكن واضح إن ياسمين كانت ليها وجهة نظر في شوية حاجات ولما اتكلموا حصل خلاف والموضوع اتطور لدرجة إنها أخدت قرار كمان.. وعشان كده هنتكلم عن تفاصيل كل اللي حصل في باقي الفيديو.
نجمة الماركات العالمية
الأول لازم نعرف إن ياسمين صبري وجه دعائي لماركات عالمية كتير وشغلها مش بس التمثيل بالعكس هي حد تقيل ومعروف بره مصر وليها اسمها وبتحضر حفلات عالمية بيعملها أصحاب الماركات دي والتعاقدات معاهم كبيرة وعشان كده ياسمين صبري لازم تكون في أفضل شكل ممكن.
تشابه غريب
لكن ياسمين لاحظت الفترة الأخيرة إن شغل شريف طانيوس بقى شبه بعضه.. لكن في نفس الوقت مفيش خلاف على إنه أيقونة في الميكب وكونه يشتغل مع فنانة بحجم ياسمين صبري ده في حد ذاته نجاح.. الغريبة إن ياسمين أصلا كانت بترتب لخطوة التغيير وقررت فعلاً وعشان كده هي وشريف مبقاش في بينهم شغل تاني.. والسبب خلافات في وجهات النظر بينهم.
شريف طانيوس مش حد قليل وشغال مع درة وهدى المفتي وتارا عماد وغيرهم كتير من النجمات.. لكن اللي ملاحظ إن معظم الألوان واحدة ومفيش تجديد فبيطلع الفنانات شبه بعض في الميكب.. وياسمين صبري مش حابة تكون كده.. الخلاف بين ياسمين وشريف اتطور وعملوا لبعض أنفولو من حساباتهم في إنستجرام.. طيب إيه بقى الخطوة الجاية لياسمين.
خطوة ياسمين
المرة دي خرجت بره مصر في التعامل مع الميكب أرتيست بتاعها هي عارفة نجوم المهنة دي واترشحلها الأفضل واختارت تتعامل مع خبيرة التجميل السعودية نورا بو عوض واللي بدأت شغلها معاها بتغيير كبير في شكلها والجمهور فرحان بأول لمسات نورا.. طبعاً ياسمين فرحانة ببداية الشغل واختارتها عشان مختلفة وعارفة كل بشرة وملامح وش محتاجة إيه وبتعمله.
ياسمين صبري تحسها متغيرة وهتشبه الخلايجة في الشكل كمان وحتى تسريحة شعرها في الظهور ده مختلف ومناسب معاها وطبعاً التغيير حلو وأوقات كتير بيكون مطلوب.. نورا بو عوض كمان نشرت الصور على حسابها في إنستجرام وبتقول إن في شغل كتير الفترة الجاية هيكون فيه مفاجآت للجمهور ولياسمين نفسها.. وفي كتير من الجمهور شايف الخطوة دي كويسة وفي صالح ياسمين في النهاية عشان هيشوفوها بشكل مختلف وجمالها هيظهر أكتر.. ربنا يوفقك يا ياسمين في كل خطوة تخص شغلك.
انتوا بقى قولولنا رأيكم في إطلالات ياسمين صبري قبل ما تشتغل مع نورا بو عوض وبعد ما قررت تشتغل معاها وهل لاحظتوا فرق ولا لأ؟.. اكتبولنا آرائكم في التعليقات.