تصدرت صور الشيخ مشارى راشد منصات السوشيال ميديا مصحوبة ببعض التعليقات، حيث ظهر في عربية فارهة.
وقال رواد السوشيال ميديا:” معنديش مشكله خالص ان فضيلة الشيخ مشاري يركب افخم عربيات ويمشي وسط حراسه أنا مشكلتي اني كنت في فتره الجامعه ماشي في سكه التدين وكدا وحرفيا كنت متيم بالشيخ مشاري كنت بحب صوته جدا ولحد دلوقتي بشوفه من اجمل الاصوات”.
وأضاف المنشور المتداول :” كنت في الفتره دي بسمع بأستمرار اناشيده.. عايز اقولكم ان الشيخ مشاري ليه قصائد و اناشيد تخليك تكره نفسك والعيشه واللي عيشنها.. حاجات تخليك لو ناوي تخرج مع صحابك مثلا اول ما تسمعها تكتئب وتقرر تكنسل الخروجه
من الاناشيد دي دع الصبا و أرى الدنيا ومالي وقفت ع القبور و قلبي الصغير.. دا ليه نشيد اسمه ليس الغريب بسببه فضلت اسبوع مكتئب وكاره الحياه”.
واختتم المنشور :” لدرجه من كتر كلامه عن الزهد والموت والصبر رسمت صورة في مخيلتي للراجل دا انه عايش في مكان بسيط و متواضع جدا ومش بياكل غير التمر واللبن ..الشيخ كرهنا في الحياة وهو عيشها بالطول والعرض”