عائلتهاحرمت من حضور دفنها وزوجه طلع لايف من الجنازة وجعل سيرتها على كل لسان.. رحيل التيكتوكر المغربية شيماء بنسعيد بعد صراع مع السرطان.
إزاي جوزها تاجر بيها وهي عايشة وهي مش في الدنيا؟.. ليه دفنها بالسرعة دي كده؟.. وإزاي قلبت السوشال ميديا برحيلها؟.. ليه جوزها اضطر يدافع عن نفسه في عز حزنه عليها؟.
طبعاً التيكتوكر شيماء بنسعيد مشهورة جداً وحكايتها تهم ناس كتير ولو انتوا من اللي يهمكم اللي حصلها يبقى الفيديو ده معمول عشانكم.. تابعوني للآخر هقولكم كل التفاصيل.
كانت بتعاني من الكانسر طول الفترة اللي فاتت وفي أيامها الأخيرة اتنقلت للمستشفى في مدينة في الإمارات.. هي وجوزها نوري الدين مقيمين هناك وملهمش حد من الأهل معاهم.. التيكتوكر شيماء بنسعيد رحلت وهي في عمر الـ27 سنة.. والكل اتفاجئ بالرحيل ده رغم إن كل الآمال كانت بتقول إنها هتتعافى بالذات إن جوزها كان بيدعمها نفسياً وهي في المستشفى.. المهم هو نشر صورة مكتوب عليها إنا لله وإنا إليه راجعون.. وكتب في تعليقه.. رحمك الله زوجتي.. بعد معاناة مع مرض الكانسر رحلت المرحومة زوجتي الطاهرة ادعوا لها بالرحمة والمغفرة.
من هنا بدأت أزمة بين جوز شيماء بنسعيد والجمهور اللي عمله كان صادم للكل.. أهلها اللي مفروض يجوا من المغرب يحضروا الجنازة محدش فيهم حضر وزي ما يكون مش عاوز حد يحضر خالص.. وده اللي خلى الجمهور يقول عليه إنه بيتاجر بجنازتها.. وده لما أعلن للمقربين منه إن صلاة الجنازة هتكون في أسرع وقت ممكن وده اللي تم في مدينة العين وقال واخد من المتابعين على السوشال ميديا دي أختكم في الله مُقيمة في دولتنا الإمارات.. ياريت تبقوا زي اخواتها وتحضروا الصلاة عليها ملهاش غير جوزها في الدولة هنا في الإمارات الله يرحمها ويعوض شبابها الجنة والجنازة هتكون في مسجد حمودة بن علي الجيمي والدفن في مقبرة الفوعة.
من وقت الجنازة بقى بدأت الانتقادات ضد نوري الدين جوز شيماء بنسعيد.. عشان كان بيصور الجنازة لايف وكل مراحل خروجها من المستشفى وتصويرها وهي في الكفن لحد العربية الخاصة بنقل الراحلين ومنها للمقابر كل ده اتصور.. والفيديوهات قلبت السوشال ميديا ضده.. قالوله مش كفاية تاجرت بتعبها ونشرت فيديوهات ليها وهي تعبانة وشكلها اللي اتغير وكان يصعب على الكل لحد ما رحلت كمان يا أخي اتق الله فيها.
طبعاً دارت تساؤلات عن سر غياب أهل شيماء بنسعيد عن الجنازة وإنه إزاي مستناش.. لكن ده اللي خرج يرد عليه نوري الدين وقال إن كان كل همه يخرج تصريح الدفن ويلحق ياخدها من المستشفى للمقبرة من باب إكرام الميت دفنه.. وعشان كده هو حب يكرمها ومكانش فاكر إن كل حاجة هتبقى ضده كده.. المهم هو كمل اللي بيعمله ومع تصوير الجنازة ناس كتير حضرت عشان محدش من أهلها هنا وكان أهل الإمارات هما السند وقت الشدة.
نوري الدين جوز شيماء بنسعيد عمل لقطة حلوة بعد رحيلها هو جاب كل الصحاب من الإمارات وقعدوا في بيت يقرأوا قرآن للراحلة وعملوا حلقة ذكر ليها على أمل ثوابها يوصلها.. لحد ما خرج نوري الدين يدافع عن نفسه بعد ما اتقال إنه صورها وهي في عز تعبها وفي عز ألم رحيلها.
بس هو قال شكراً للجالية المغربية في الإمارات على وقفتكم معايا وشكرا لكل الناس اللي كانوا بيدعوا لشيماء بالرحمة والمغفرة.. وأي واحد اتكلم إني تاجرت بمراتي ربنا يديلك نفس حالتي وتعبي وشعوري أنا صورت الجنازة واللي يعرف الصح هيلاقي إن إنستجرام مفيش ربح فيه وخلاص.. وإنه لو سلم دماغه لكل واحد مكانش دفن المسكينة مراته بالذات إن مفيش عنده القدرة يرجع ليها روحها.
نوري الدين اتعود هو وشيماء بنسعيد يشاركوا لحظات حياتهم مع الجمهور على مواقع التواصل وده كان عادي لحد ما تعبت وحصل انتقادات بخصوص تصوير تعبها ده على السوشال ميديا وعشان كده الدنيا اتقلبت ضده.. لكن هو خد موقف وحذف كل صور مراته على السوشال ميديا بعد رحيلها ومبقاش ليهم صورة مع بعض.. تفتكروا اللي عمله جوز شيماء بنسعيد كان صح إنه يطلع يرد في توقيت زي ده ولا إيه؟