حالة من الجدل الواسع أثارتها الفنانة سلوى محمد علي، الأيام الماضية، بعد مشاركتها في مهرجان الإسكندرية، حيث تعرضت لانتقادات واسعة من الجمهور بعد جلوسها على الكرسي في وضعية التربيع.
من جانبها، ردت سلوى محمد علي على تلك الانتقادات وقالت: ” شفت تعليقات الجمهور على قعدتي في الندوة ومن حق الناس تختلف وتقول رأيها وإحنا الممثلين لازم كل الناس تقول رأيها فينا، سواء موافقين علي اللي إحنا بنعمله أو لأ.”
أول رد من سلوى محمد علي على جلستها الغريبة بمهرجان الإسكندرية
وتابعت في تصريحات صحفية: “سيد رجب مشهور عند بتوع المسرح إنه حكواتي وبيحكي السيرة الهلالية اللي هي أصلها عازف الربابة أو الراوي اللي بيكون قاعد على الدكة ومربع.”
وأكملت: “وأنا شايفة أن قعدتي اختارتها لأنها مناسبة وقاعدة التربيع من أصل فرعوني ومصرية لائقة على مستر كلاس.”
وفي وقت سابق، أعلنت الفنانة سلوى محمد علي، أنها ترتدي من ملابس صديقاتها، وذلك خلال تصريحات صحفية.
وقالت سلوى محمد علي: صاحبتي شحتتني فستان، كان جميل جدا واتصورت بيه، وبستلف كتير لأني في بداية شغلي ما كانتش باخد فلوس تكفي، وزميلاتي شيرين فرغلي وهالة خليل ومنال محي الدين يا ما سلفوني هدوم، وصحباتي بيسلفوني وأحيانا بكون محتاجة حاجات معينة صعب الحصول عليها بتوفرها لي صاحبتي وخصوصا إن ذوقهم حلو جدا.
وأوضحت: معنديش شغلانة تانية غير التمثيل، ومافكرتش أشتغل حاجة غير التمثيلن ولو بعرف أشتغل شغلانة غير التمثيل كنت هعرف اعمل إجراءات الفاتورة الإلكترونية اللي طلبت مننا.
اقرأ ايضا:
ملاحظة غريبة في ملابس ياسمين عبد العزيز مع إسعاد يونس.. ما هي؟