اختفاء المطربة ميرنا هشام نجمة آراب إيدول يثير

اختفائها تسبب في صدمة لأصحابها.ولا أحد يعرف مكانها فهل هي في المستشفى أم أن محاولة إنهاء حياتها نجحت وقابلت رب كريم؟!

ليه ميرنا هشام نجمة برنامج آراب أيدول عاملة قلبان على السوشال ميديا وياترى الحقيقة فين؟.. خليكوا معايا في الفيديو ده هقولكم تفاصيل الحكاية ووصلت لحد فين.

ميرنا هشام يدوب لسه مكملة الـ25 سنة وبقالها فترة كده مبتشتغلش والناس بتتكلم عن اليأس اللي وصلت ليه بسبب قلة الشغل وإنها مش لاقية فرصة وأغلب الكلام إنها قررت تنهي حياتها بسبب كده.. يا ترى ده حصل فعلًا؟ ولا هي مختفية فين دلوقتي؟.

صدمة الاختفاء

السوشال ميديا كلها ملهاش كلام دلوقتي غير على ميرنا هشام نجمة برنامج أراب أيدول وفي كلام إنها خلصت علة نفسها وقالت كفاية عليا كده.. وده بعد ما مجموعة من أصدقائها المقربين كتبوا على حساباتهم إنها حاولت تنهي حياتها بس المحاولة فشلت.. طبعًا هي لسه مغنية صاعدة والمشوار قدامها طويل والتساؤلات عن سبب محاولة إنهاء حياتها هي اللي متصدرة الكلام لكن القصة الحقيقية إيه محدش عارف؟.

مين ميرنا هشام؟

المطربة الشابة ميرنا هشام من مواليد يوم 10 يونيو سنة 1997 في القاهرة وعيلتها أصلها من إسكندرية.. وشاركت في برنامج أراب أيدول من حوالي 10 سنين عشان تحاول إثبات إنها مطربة ناجحة يمكن تضرب معاها والدنيا تمشي لكن ده محصلش بس اتعرفت للجمهور وعملت كذا أغنية زي مدمناك ودعوة المجروح وأغنية مساء الفل بمناسبة عيد الأم.. وعملت صفحة على فيسبوك عليها أكتر من مليون ونص متابع وبتنشر صور ومقاطع فيديو وفي تفاعل كبير من الجمهور معاها.. وكان آخر عمل غنائي ليها “دويتو” مع المطرب هيثم شاكر اسمه “شفت يا حبيبي شفت”.

حقيقة إنهاء حياتها

موضوع اليأس من قلة الشغل والكلام ده كان اتكلم عنه أحد الدعاة وقال غنه ممكن يوصل الإنسان إنه ينهي حياته ويقول أنا اتخنقت مثلًا.. لكن لو لاحظنا هنلاقي إن موضوع ميرنا هشام بعيد شوية عن حتة محاولة إنهاء حياتها أو إنها في المستشفى.. يعني صفحتها على فيسبوك فيها صور وقت عيد الأضحى واحتفلت بيه كمان هي كانت موجودة في برنامج الدوم من حوالي سنة وأثبتت موهبتها في التمثيل وواحدة بعقليتها أكيد هتقول إنها لسه صغيرة والمشوار قدامها ومش هتستعجل الشغل وإثبات نفسها.

غير كده كمان أغنية ميرنا هشام مع هيثم شاكر كان في شهر يناير اللي فات وكمان هي ظهرت في الاستوديو بعدها وكانت بتحضر لشغل جديد وعشان كده صعب موضوع إنهاء حياتها ده حصل او إنها في المستشفى حتى ممكن تكون مختفية شوية واخدة هدنة مثلًا.

واللي يلاحظ هيلاقي ميرنا هشام عايشة حياتها عادي جدًا بتتصور وبتخرج وتنزل تشتري هدومها وتعيد على صحابها وجمهورها وتعمل سيشن جديد والحياة عادية زيها زي أي حد.