أعلن مصفف الشعر هشام ربيع، عن ندمه بسبب زواجه المطربة الشعبية بوسي بشكل سريع.
وقال هشام ربيع، خلال تصريحات صحفية: غلطتي إني اتسرعت واتجوزتها بعد شهر واحد من الخطوبة، والتسرع حاجة غلط وفترة الخطوبة ما ينفعش تكون شهر واحد، لازم نتعلم، هو في حد يخطب واحدة شهر ده جنان.
وأضاف هشام ربيع: أنا معروف عني أني شاطر وشركاتي ناجحة وبكسب من الهواء لكني طلعت خايب في الحتة دي، ومحدش يخطب شهر ده مشروع فاشل أقل حاجة تقعد ست شهور أو سنة تدرس والعشرة بتبين والمواقف بتبين ما تعملش نفسك ناصح وبتفهم الناس من عينيها.
وأكد هشام ربيع، أنه كان منفصلًا عن زوجته الأولى منة ووالدة أبنائه قبل زواجه من المطربة بوسي، وعاد لها فيما بعد، مشيرًا إلى أنه من المستحيل أن يكون تزوج بوسي وزوجته الأولى على ذمته، قائلا: لما تزوجت من بوسي كنت منفصلًا عن منة، أنا مش راجل مزواج ولا فاضي للزوجات والستات، أنا عندي مبدأ ومش هرمي مراتي وعيالي علشان خاطر بوسي؟، دي لو إنجلينا جولي مش هعمل كده.