«البقاء للأصلع».. ياسمين عز تكشف سر حلاقة محمد

علقت الإعلامية ياسمين عز، على حلاقة قائد منتخب مصر ونجم ليفربول الإنجليزيمحمد صلاح لشعره الأخيرة والتي أثارت ضجة واسعة.

وقالت عز، خلال برنامجها «كلام الناس»،: «أول لما نجيب سيرةحسام حسن ومحمد صلاح، نفتكر خناقات توم وجيري، وإن صلاح كان عاوز يمشي كابتن حسام حسن، ويجيب واحد صاحبه بيدور على شغل يدرب المنتخب، وغيروا من الكلام اللي ملوش أي معنى، في الآخر حد الكلام بحركة واحدة، وهي حلاقة شعره».

«البقاء للأصلع».. ياسمين عز تكشف سر حلاقة محمد صلاح الجديدة

وأضافت: «صلاح حلق شعره علشان يمنع أي حواجز بينه وبين كابتن حسام حسن، أكيد لما الجماجم تتلاقى ده هيكون في صالح المنتخب».

وتابعت: «في دراسة بتقول إن أصحاب الشعر الخفيف وأصحاب الشعر التقيل بيكون فيه بينهم عكوسات، فصلاح قرب المسافات علشان يكون هو وكابتن حسام على درجة فهم واحدة، وفي النهاية البقاء للأصلع».

وفي وقت سابق، علقت الإعلامية ياسمين عز على انفصال الفنانة نيللي كريم عن زوجها لاعب الاسكواش هشام عاشور بعد زواج دام قرابة العامين ونصف.

وتحدثت “ياسمين” خلال إحدى فقرات برنامجها “كلام الناس” الذي يعرض على قناة “Mbc مصر” عن خبر الانفصال وعلقت: “عاوزة أقول إن حياة الفنان أو الشخصية العامة أوعى تفكر أن حياتك خاصة حياتك كمان عامة، والناس هتفضل تفتش وتحب تسمع أخبارك أتجوزت أتطلقت، ومالناش دعوة بقى بأسباب الطلاق مالناش علاقة مش موضوعنا وربنا يقدم لهم اللي فيه الخير، ومحدش بقى بيعمر ودي من المؤشرات الخطيرة في المجتمع”.

واستكملت: “كل واحدة تحافظ على جوزها لأن مؤخرًا محدش بيعمر متفهمش عين، حسد مش عارفة، ودايمًا الشخصيات العامة والمشاهير اللي بيوروا حياتهم للناس مابيعمروش فلازم تبقى خبيث في حياتك الشخصية، عشان تعمري مع جوزك سواء شخصية عامة أو مش عامة داري على جوزك وداري على بيتك ومتنشريش ومتعلنيش ماتبينيش انك سعيدة، اتخابثي يا مدام” عشان العواقب مش سليمة”.

اقرأ ايضا:

عمرو دياب يفجر مفاجأة أمام النيابة تقلب الموازين