حل الفنان أحمد حلمي الساعات الماضية، في الجزء الثاني من برنامج “سولد أوت”، مع الإعلامي محمود سعد.
وخلال اللقاء قال أحمد حلمي: “ولادي مشافوش افلامي، وامبارح بالصدفة كنت بقلب في التلفزيون ولقيت فيلم بلبل حيران وانا مبحبش اتفرج على نفسي لكن سليم قالي سيبه ودي كانت أول مرة يقعد يتفرج”.
تصرف صادم من أولاد أحمد حلمي تجاه أفلامه.. لن تصدق ماذا فعلوا؟
وتابع: “اتفرح وعجبه.. لكنهم بيركزوا في تفاصيل تانية زي اللبس والإكسسوار كالسبحة وغيرها”.
وقال أحمد حلمي: “تعرضت للتمنر بسبب ودنى، لإن وأنا صغير كنت بثنى أذنى وأنام عليها فبقى عندى ودن أكبر من ودن، وفى مرة كنت في فرح بنت خالتى على مركب راسية، وكان في فنان كلنا بنحبه فى الفرح، وأنا كنت في فترة إعدادى تقريبا، وروحنا عشان نشوفه وواقفين قدامه وبنضحك ببراءة كدة، وراح قال لصاحبة الحق ميكي ماوس”.
وتابع حلمي: “طبعا اضايقت جدا، وعمري ما نسيت الحكاية دي خالص، واتعلمت منها إن أي حد جاي يتكلم معاك بدافع الحب مش بدافع شيء تاني أوعى تجرحه بأي كلمة.”
يذكر أن الموسم الجديد من برنامج Sold Out يتم عرضه حصريًا على قناة ”CBC” فى تمام التاسعة مساء يومى الخميس والجمعة من كل أسبوع ويستضيف نخبة من كبار نجوم الفن فى مصر والوطن العربى، ويجوب خلاله محمود سعد فى جميع محافظات الجمهورية بحثًا عن حكايات جديدة ومختلفة لأماكن وشخصيات ملهمة، بجانب تقديمه لعدد من الحفلات والليالى الغنائية المتميزة.
اقرأ ايضا: