تصدرت الفنانة راندا البحيري، مؤشرات التريند الساعات الماضية، بعد ظهورها بوزن زائد في آخر ظهور لها، الأمر الذي سبب صدمة للجمهور.
من جانبها، كتبت راندا البحيري، من خلال حسابه الشخصي فيس بوك: “اطمنوا عليّ أنا كويسة جداااااا الحمد للهاللي كان مخليني مش فرحانه فتره طويله ان كان فيه أسرار كتير و حاجات مقولتهاش لبني آدم وحاولت أقولها للناس المعنيه بحلها ومعرفتش، بس بجد لما خرجت مني للناس القريبين الطيبين ارتحت الحمد لله جداً.”
راندا البحيري تفجر مفاجأة عن سبب وزنها الزائد
وتابعت راندا البحيري: “إنما فكرة الشغل وكده أنا مش بشتكي أساساً ولا عايزه حاجه من حد والحمدلله أنا حالتي المادية كويسه جداً وشغاله في حاجات كتير تانيه غير التمثيل.
وأضافت: “بالنسبة للوزن الزائد اللي ظهرت بيه في حلقة الإعلامية الجميله أوي مروه صبري فأنا كنت خارجه من دور برد قاااااسي قعد معايا شهر خدت فيه ٣ علب مضاد حيوي و خدت دوا علشان اقدر أتنفس و خدت دوا للحساسيه الادويه خلت المياه تتحبس تحت الجلد”.
واسنطردت: “ده غير إن الزاويه اللي اتصورت منها كانت مش حلوه تماما و الاضاءه متظبطتش علي وشي صح”.
وتابعت: “وانا كنت مرتبطه ببرنامجين، برنامج مروه صبري وبعدها ب ١٨ ساعه برنامج مروه عبد المنعم علي قناة الشمس وبالرغم من ان الوزن الزائد مش حاجه المفروض أطلع أبررها بس أنا حبيت أوضح مش أبرر علشان لاحظت إن فعلاً فيه ناس خافت عليّ و فيه ناس تانيه ابتدت تطلع إشاعات ان فيه عندي حاجه اكبر من كده بس الحمدلله أنا بطمنكم مفيش اي حاجه وا صلا المياه اللي تحت الجلد دي نزلت بعد تصوير البرنامج ب ٤٨ ساعه وانا دلوقتي حالا احسن بكتير اوي اوي”.
ومؤخرًا شاركت الفنانة راندا البحيري جمهورها ومتابعيها، ببث مباشر عبر حسابها الرسمي على “فيس بوك” بعد غياب طويل.
ووجهت راندا البحيري في الفيديو اعتذار للفنانة بدرية طلبة، بسبب عدم قدرتها على حضور حفل زفاف ابنتها الذي كان منذ أيام.
وفي وقت سابق، كشفت الفنانة راندا البحيري، عن تعرضها للإهانة من جانب إحدى البلوجر على فيس بوك بعد عدم الرد عليها وطلبها دعمها.
وقالت البلوجر لراندا البحيري: “إنتي واحدة معندكيش دم والله”.
من جانبها، قالت البحيري عبر صفحتها الرسمية فيس بوك: “دي واحده كانت طالبه مساعده و اما مخدتش بالي من رسايل الother دخلت تشتمني عادي جدا و مستبيحه الموضوع”.
وتابعت: “فاكره اننا ناس مبنحسش و فاكره كده اني لو اتكلمت عنها هبقي بشهرها.. هي في الرسالة الاولي كانت عايزه تتشهر و عايزاني ادعمها و اتكلم عنها معرفش ليه مع اني معرفتهاش تماما ولا عمري سمعت عنها بس عموما اديني اتكلمت عنك اهو”.
اقرأ ايضا: