سهل تضرب بروتين لكن صعب تبقى البيج ياسمين ،صوتها صوت بنت، والهيئة واللبس والحركات مثل الشباب، حياتها من الجيم الرجالى للبيت والعكس، تزوجت الحديد وتعلم الرجال فى الجيم ماذا يفعلوا ليكون لديهم عضلات، وكيف يحملون الحديد بطريقة صحيحة.
مين البيج ياسمين وإزاى إتحولت من بنت شعرها طويل للشكل ده ؟وإيه سر حبها للنوع دى من الرياضات وخاصة تدريب الرجالة؟إيه حقيقة إرتباطتها وخطوبتها ؟ والبكينى سر رفضها للبطولات، مفاجأت وأسرار فى حياة بيح ياسمين هتعرفها لأول مرة قياترى حكايتها إيه؟
بيح ياسمين قعدت 18 سنة تنبى عضلة مع عضلة لحد ما وصلت للشكل ده ..وبقيت بفورمة رجالة نفسهم يبقوا نصها وكله طبيعى لا خدت منشطات ولا هرمونات ..دايت ورياضة ورياضة ودايت.
ورغم فخرها للى وصلته له لكنها مش بتنصح أى بنت تعمل زيها ..ولولا حبها للعضلات والفورمة دى مكانتش هتعمل كده..
قالت كمان إنها عملت كده مش للإستعراض ولا التريند زى ما البعض قال .. ومش معنى إنها شكلها كده إنها هتلبس لبس جرئ ولكن هى بتحب اللبس الرياضى أكتر وخاصة الرجالى وده سر رفضها إنها تشارك فى البطولات ،لإن البطولات لازم تلبس بكينى وهى مش هتلبسه..
في 2004 قدرت ياسمين تدخل الجيم وكانت 53 كيلو وبتعاني من نحافة مفرطة، كانت حابة تبنى عضل،وبدأت تشيل أوزان بس كان كله رجالة مفيش بنات وقتها.
ياسمين إتعرضت كتير لإنتقادات من بدايتها ،وعندها إصابات كتيرة، وفي دكتور قلب قالها لو كملت أكتر من كده هتفارقى الحياة ومع ذلك مكملة في الحديد ،قالت لو الحديد اللي هيخلينى أفارق الحياة فده شرف ليا.
بيج ياسمين عندها 30 سنة وأتخرجت من كلية التجارة وكان المفروض تتعين معيدة لكنها رفضت وفضلت تمشى فى الطريق ده .
بتحب تدرب الرجالة أكتر من الستات وقالت إنها جربت مع السيدات ولكن مش بتلاقى عندهم حماس زى الرجالة .. وقالت أنا واخدة الرياضة وسيلة حب واحترام وصلتني لقلوب الناس، بقالي 15 سنة في المنطقة وهي اللي خلت كل الناس تعرفنى..
إنتشر لها فيديو من فترة وهى حاطة مكياج وفى كامل أنوثتها وأناقتها مع شاب إسمه كريم عبر لها عن حبه وإجابه بقى ودعمه وتشجعه لها.. وقالها لها إنه عايز يتجوزها.
فى الفيديو ده ظهرت ياسمين مع كريم وقالت «كريم أهو يا جدعان»، ونفت كل اللى إتقال بيخص إرتباطها وإن اللى قاله «كريم» كان تعبير عن إعجابه بها وبشخصيتها ويشجعها على عمل اللى بتحبه ، وأكد أن قصة رغبته الزواج منها هزار..
لكن البعض أستفز من الحركة دى وقالوا إنها وسيلة تركب بها التريند علشان تفضل مكوشة عليه لفترة أطول وأكيد بالإتفاق مع الشاب ده .
بيج ياسمين من بداية ظهورها وهى مثيرة للجدل بإطلالتها وحركاتها وموخرا إنتشر لها بترقص فى فرح ولابسة بتيشيرت وبنطلون رجالى وحالقة شعرها.
وبحركات جريئة ووصلة رقص ميطلعش غير من شباب ،وبقيت تتنطط وترقص وتنزل وتطلع بطريقة بهلوانية مفيهاش أى أنوثة ..والجمهور مستغرب من تصرفاتها.
وتعليقات الجمهور كانت كلها هجوم وإنتقادات زى إيه اللى مدخلها وسط الستات دى تقعد مع الرجالة،واللى قال فين ياسمين دى بقيت ياسين.
إنتوا بقى مع ولا ضد اللى بتعمله ياسمين ؟هل هى حرة طالما بتعمل الحاجة اللى بتحبها ومش بتضر حد؟ ولا علشان بنت لازم تكون كلها أنوثة ؟شاركونا برأيكوا فى التعليقات .