علق الفنان تامر عبد المنعم، على واقعة ضرب عمرو دياب لأحد المعجبين، خلال محاولة التقاط صورة “سيلفي” معه بإحدى حفلات الزفاف.
وقال “عبد المنعم: ”باختصار شديد كل واحد يلزم مكانه حتى لا يختلط الحابل بالنابل حضرتك سواق يبقى مكانك العربية برة مش جوة قاعة فرح وكمان على مسرح العريس والعروسة والأهل والأصدقاء المقربين ونجوم الحفل عشان كده في الحفلات بيكون فيه تذكرة بـ ١٠٠ جنيه وتذكرة بـ ٣٠ ألف ، أنا مش بحتقر حد، لكن في مساحة لا يحب اختراقها إلا لمن له الحق في ذلك”.
“مليون دولار”.. تامر عبد المنعم يكشف مفاجأة بعد واقعة عمرو دياب
وأضاف:” تصرف غريب على من يتواجد في هذا المكان أدى إلى رد فعل غريب أيضًا على المكان.. كل واحد لو لزم حدوده المسألة تتحل”.
وتابع: “أنا ضد فكرة ده غلبان ومسكين وفقير والسكة دي لأنه ما قابلوش في جامع ده واحد جوة فرح AAA plus وحكاية المحاضر والأجواء دي تسخين سوشيال ميديا واعتقاد المحيطين بيه إنها فرصة العمر للتعويض”.
واختتم: “أخيرًا مليون دولار لن يكون كافيًا لاستعادة الكرامة ولمن يريد أن يحافظ على كرامته عليه ألا يتواجد بالأماكن غير المسموح له بالتواجد بها”.
وفي أول تعليق له قال الشاب محمد سعد أسامة: “أنا حزين جدا أنا واحد معجب كنت عاوز اتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب”.
وأضاف في تصريحات صحفية: “الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ احنا اللي بندي قيمة للواحد..أنا مش بشحت منك ولا بقولك هات حاجة لله.. أنا بحبك وعاوز اتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي”.
وتابع: “أنا مقرصتوش أنا كنت بحسسه أن في حد واقف جنبه عاوز يتصور معاه مش اكتر من كدة..حطيت ايدي على ضهره عادي أنا بحبه جدا مش بغرض اي شيء اخر لكن اتفاجئت برد الفعل ”.
وأعلن الشاب: ” أنا دلوقتي رايح أشتكيه في النقابة الأول وأشوف أي اجراء رسمي عشان اعوض حقي في اللي حصل”.
اقرأ ايضا:
“واد متحرش”.. عارفة عبد الرسول تكشف مفاجأة عن صاحب واقعة عمرو دياب