يحل اليوم الأربعاء الموافق 6 سبتمبر، ذكرى ميلاد الفنانة القديرة رجاء الجداوي، حيث أنها من مواليد 1934، ورحلت عن عالمنا يوم 5 يوليو 2020.
وتحدثت الفنانة الراحلة رجاء الجداوي، في لقاء سابق لها مع الإعلامية بسمة وهبة، عن قصة عملها في «جراج» بهيئة النقل العام ببداية مشوارها وأجرها وماذا كانت تفعل به.
قالت الجداوي: “اشتغلت في جراج بـ هيئة النقل العام.. كنت صغيرة أوي وخواجاية، ومكنتش بعرف أتكلم عربي كويس، وكنت باخد 10 جنيه و30 قرش.. كنت باخد قرش صاغ الصبح من والدتي، وبشرب شاي بلبن وباكل سندوتش، وكان معايا كارنيه مواصلات داخلية لأني كنت بشتغل في شركة مواصلات”.
وتابعت: “كنت بقبض الكمسري اللي يجيب 12 جنيه، حاجة اسمها بونص 20 قرش، ودي كانت كل شغلتي في هيئة النقل العام”.
وأوضحت: “دفعت المرتب بتاعي لأستاذ في ميدان التوفيقية يُدعى (أرستيت مارك)، وكان بيدي كورسات (شورت هاند) و(تايبينج).. عشان تشتغلي سكرتارية كويسة ومعاكي لغات، كان لازم تتعلمي (فايل) و(الاختزال) فروحتله، وكان الكورس بـ 30 جنيه ودفعتهم أقساط على 3 شهور”.
وأضافت: “في نفس هذا التوقيت، اشتغلت أول فيلم لي وهو (دعاء الكروان)، وكان أجري فيه 150 جنيها، وبسبب شغلي في التمثيل انقطعت العلاقة بين والدتي وخالتي تحية كاريوكا التي علمتني لما أكون (مفلسة) تبقى مناخيري في السماء”.