كشفت الفنانة المعتزلة والإعلامية ميار الببلاوي، أنها تعيش فترة صعبة بعد أزمتها مع الشيخ محمد أبو بكر لاتهامه لها بالزنا ورفعها دعوى ضده.
وقالت ميار الببلاوي خلال تصريحات صحفية؛ موجهة حديثها لـ محمد أبو بكر: كسرتني أنا وابني، واتهمتني بتهمة باطلة ووقفت شغلي وأكل عيشي وحالي، ولسه سايب الفيديو علشان المشاهدات ومستمر في التشهير بيا من وراء الفيديو اللي ما زال على صفحتك.
وأضافت ميار الببلاوي: راح يحج وهو ظالمني، وقال في النيابة أني اساءت له ولهيبته وشغله كونه داعية، طيب واللي قلته عليا.
وتابعت ميار الببلاوي: أنا دعيت في عرفة وقلت اللهم أهلك الظالمين بالظالمين اللهم وأخرجنا من بين إيديهم سالمين، أيا كان اللي هيظلمني أو يأذيني حتى لو في الحج.
وأكملت: شكلي بقى مشوه أنا وابني، وأنا مش عاوزة اركب التريند زي ما قال البعض، أنا ست لازم اعمل كنترول على كلامي لأني بفتكر الناس كلها طيبة وهتفهمني لكن توصل انك تخلي الناس تتكلم في شغلي، وأنا مفيش بيني وبينك تار.
وأردفت: والمحامي بيقول إني قلت انه بيسيء للدعاة لكن بالعكس هو اللي قال عليا أني بسيء للدعاة، لكن هو مش لاقي حاجة يقولها فبيجيب من كلامي وده اسمه تضليل، والحمد لله النيابة مفرغة كل حرف.
وواصلت: أتبهدلت واتوقف حالي وربنا يستر على ابني من اختبار الخارجية ويعدي على خير، وكل سنة كنت بسافر في العيد البلد لأهلي، السنة دي ما روحتش عيدت معاهم من كتر كسفتي، ومحدش قال لي كل سنة وانتي طيبة وعمي مات من قهرته عليا واتكسرت أنا وابني.