اكتر من 6 آلاف جنيه ستكسبهم كل شهر وانت في بيتك مجرد ما تشتري الشهادة التي سنتحدث عنها الآن، وسوف نوضح أيضا أعلى شهادة في مصر سوف تربح من ورائها ذهب بمعنى الكلمة.
ناس كتير بدأت تلجأ دلوقتي لاستثمار فلوسها في شهادات ادخار خصوصا بعد ما البنوك طرحت مؤخرا شهادات باعلي عائد تنافسي، وطبعا دي فرصة لاي حد معاه فلوس انه يكسب مبلغ وهو في بيته من غير أي مخاطرة
من ضمن البنوك اللي طرحت شهادات ادخار بأعلى عائد هو بنك التنمية الصناعية اللي أعلن من ايام عن طرحه شهادة جديدة باسم سمارت بعائد 30% سنويا.
ودي مدتها تبدأ من يوم واحد لحد 300 يوم، اما العائد فهو بيتصرف بنهاية المدة وبيتحسب من نفس يوم شرا الشهادة، وعلى فكرة دي اقل مدة تستثمر فيها من بين شهادات الادخار، ودي تقدر تشتريها ب250 الف جنيه ومضاعفاتها الف جنيه.
مميزات الشهادة
من مميزات الشهادة أنها مش عليها أي مصاريف إدارية ولا غرامات عند استرداد الكسر المبكر، وساعتها هيتم تطبيق العائد المعلن في تاريخ عن المدة الفعلية للشهادة.
بس انت عارف انك ممكن تكسب اكتر من 6 آلاف جنيه من وراها كل شهر، وده لما تستثمر مبلغ 250 ألف جنيه فيها ده الخد الادني لشرائها اصلا.
ساعتها بقى هيكون هامش الربح السنوي 75 ألف جنيه، وفي حالة توزيعها على شهور السنة هيكون الربح الشهري 6250 جنيه، بس عموما انت ممكن تصرفه في نهاية السنة زي مانت عايز.
المفاجأة بقى كانت في شهادة البنك الأهلي الكويتي اللي أعلن عنها على صفحته على. الفيسبوك ودي شهادة ثلاثية بعائد ثابت تراكمي وبسعر فايدة مرتفع قيمته 75% وده أعلى عائد على شهادة ادخار بيتصرف وقت استحقاق الشهادة.
لا ومش بس كده دي كمان سعرها الف حنيه بس يعني في متناول الكل، انت كمان تقدر تكسر الشهادة دي في اي وقت بشرط مرور سنة على شرائها، وساعتها هيتخصم غرامة من إجمالي العائد حسب جدول الاسترداد في كل سنة
وعندك شهادة البنك العربي الافريقي بعائد 65% ودي برضو من أعلى الشهادات الموجودة في السوق، والعائد بتاعها بيتصرف في نهاية المدة.
الشهادة دي تقدر تشتريها ب5000 جنيه ومضاعفات 1000 جنية مصري بدون حد أقصى، اما مدتها فهي 3 سنين.
اما لو مستعجل على فلوسك فالبنك طرح شهادة بعائد مقدم قيمته 40%، لكل العملاء بمعنى انك لو استثمرت مبلغ 100 الف في الشهادة دي فساعتها هتاخد 40 الف جنيه مكسب وانت واقف.
انت كمان لازم تعرف إن مدة الشهادة 3 سنين، والحد الأدنى لشراءها 5 آلاف جنيه ومضاعفاتها، بس خالي بالك انت مش هقدر تسترد قيمتها إلا بعد مرور 6 شهور من ربطها مع خصم نسبة من العائد المدفوع مقدم ونسبة من الفائدة التراكمية، وكمان مش هتجدد بعد تاريخ الاستحقاق.بس احسن ميزة فيها انك ممكن تقترض بضمانها لحد 50% من قيمتها.
ودلوقتي قولنا إيه أحسن شهادة تستثمر فيها فلوسك؟