علقت الفنانة ميرهان حسين على أنباء ارتباط خطيبها بالفنانة شيرين عبد الوهاب، مشيرةً إلى أنها ليس لديها معلومة مؤكدة بذلك النبأ، مؤكدةً أنها تمت خطبتها لمدة عام.
وقالت ميرهان حسين خلال إحدى اللقاءات التلفزيونية: معرفش مين حبيب مين؟ ومعرفش مين بيعمل إيه؟ أنا تمام وده نصيب ومفيش حق عايزة أخده خالص، وأؤمن إن الطيبين للطيبات وكل شيء في الدنيا نصيب ومش شرط حاجة أكون عايزاها في وقت معين تكون هي الصح ليّا و”عسى أن تكرهوا شيئًا وهو خير لكم”.
وأردفت ميرهان حسين: ماما اتبسطت قالتلي الحمد لله.. وقالتلي تستاهلي حد أحسن.
وأضافت: كان بقالي سنة مخطوبة وكان الفرح المفروض يبقى في فبراير ومحصلش نصيب.
واستكملت حديثها، قائلةً: أنا من النوع اللي مش ضعيفة عمومًا وحياتي الشخصية مش بتأثر على شغلي وبحاول أفصل على قد ما أقدر، بس بكره إني أقع أو اترمي أقعد اعيط، بس بحتاج إني أقعد شوية لوحدي، وده مش معناه إني بقعد أعيط خالص، ممكن أبقى مش عايزة أسمع كلام ناس أو مش عايزة أسمع كلام حد في حاجة لكن مش بحب أضعف أو أستسلم ومش بحب الانهزام وبؤمن إن ديه الحياة و”لقد خلقنا الإنسان في كبد”، بس لازم نقوم.