كشفت الفنانة مها أحمد، عن واقعة حدثت بينها وبين الفنان فاروق فلوكس، قائلة: “عرفت ان المسرح بيكرم الأستاذ فاروق فلوكس، فقولت لصديقتي ومديرة تحرير برامجي، بفكر أروح عشان أحضر التكريم وأعمله مفاجأة يمكن يفرح، قالتلي إزاي ده شتمك، رغم اني مش فاكرة اني اشتغلت معاه، فسألت مقربين قالولي اني عملنا مسرحية مع بعض وهو بالنسبالي تاريخ”.
وقالت مها أحمد، ببرنامج “أسرار” مع الإعلامية أميرة بدر المذاع على قناة النهار: “كنت بعمل بطولة مسرحية، فكان في الشغل بيقرب مني أوي، وبيلزق فيا أوي، وبيندفع بالكلام وده بيضايقني، وكان يخرج عن النص لأنه كان جاي علينا جديد، ومش حافظ، فكان يرتجل بـ كلام مينفعش يتقال على مسرح دولة، فا اشتكيت للمخرج قلت له بعد اذنك لما يجي يشتغل معايا وميقولش ألفاظ خارجة، ف الزميل المذيع والممثل، مردش حقي وبعدين قالوله في الايربيس وجه يلم الموضوع معرفش أصل الارتجال ده عايز امكانيات”.
برنامج “أسرار” تقدمه الإعلامية أميرة بدر على شاشة النهار يومياً في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
مقالات أخرى قد تهمك
سعد الصغير يفاجئ الجميع بظهوره بالمصحف مع بسمة وهبة.. والسبب