أنت على علم بأنه يمكنك كسب حوالي 78 ألف جنيه وأنت في بيتك، وهذا ليس مسابقة أو أي شيء، فأنت حقًا قادر على تحقيق هذا المبلغ في وقت قصير. وذلك بسبب قرار أحد أكبر بنوك مصر بطرح شهادة استثمارية بعائد مرتفع.
بس مين البنك ده؟ وايه تفاصيل الشهادة دي؟ وايه شروطها؟ والعائد بتاعها كام؟
الاقبال على شرا الشهادات زاد الشهور اللي فاتت خصوصا بعد خفض قيمة الجنيه قدام الدولار عشان كده البنوك من وقت للتاني بقت بتصدر شهادات بعائد تنافسي عشان تجذب العملا ليها اكتر واكتر
كان آخر الشهادات دي هي شهادة بنك التنمية الصناعية ودي بقى تقدر تقول عليها شهادة الأحلام، وده لأن العائد بتاعها خيالي وكمان بتاخده مقدم، بس إيه تفاصيل الشهادة دي؟
شوف يا سيدي، حسب جريدة الوطن، بنك التنمية الصناعية، بيطرح شهادة اسمها «اختيارك» ودي بالجنيه المصري
مدة الشهادة دي 3 سنين بعائد تراكمي 39.14% وبيتصرف مقدم من اليوم التاني لشرا الشهادة، وعلى فكرة هي متاحة للمصريين والأجانب
الشهادات دي بتشتريها بداية من 50 ألف جنيه في المرة الأولى، وممكن زيادتها بمضاعفات 5 آلاف جنيه بدون حد أقصى
من مميزات الشهادة دي يا سيدي انك ممكن تقترض بضمانه في حدود 50% من قيمة الشهادة
البنك قال كمان انك ممكن تسترد الشهادة بعد 6 شهور من يوم العمل بيها وساعتها العميل هيتردله أصل مبلغ شهادته، بس خد بالك انت بتدفع غرامة لما بتكسر الشهاد قيمتها 7% من قيمة الشهادة خلال السنة الأول، وخلال العام التاني ولحد العام التالت بتدفع غرامة قيمتها6%، وخلال العام التالت بتدفع غرامة قيمتها 5%
وحسب جريدة الوطن لما تحسب العائد التراكمي المدفوع مقدم على الشهادة دي بالعملة المحلية من بنك التنمية الصناعية، في حالة استثمار مبلغ 200 ألف جنيه على نسبة الفائدة 39.14% فكده العميل هيكون ليه الفرصة أنه ياخد 78 ألف و280 جنيه فوائد.
أما بقى لو بتسأل على شهادات الادخار في البنك الاهلي والبنك مصر بما انهم اكبر بنوك حكوميه في البلد..
فضروري تعرف ان البنك الأهلي وبنك مصر، بيطرحوا شهادات مميزه جدا زي الشهاده الثلاثية بفائدة 19% سنويا لمدة 3 سنين وتقدر تشتريها من أول 1000 جنيه.
وعندك برده الشهاده الثلاثيه بعائد متدرج، ودي الفايده عليها اول سنه 22%، والفايده في تاني سنة 22%، والفائده في تالت سنه 16%، وبرضه تقدر تشتريها من أول 1000 جنيه
انت كمان عندك شهادات دولارية في البنكين:
الأولى مدتها 3 سنين بعائد سنوي 9% وبيتصرف مقدم عن الفترة كلها بواقع 27% من قيمة الشهادة عن إجمالي مدتها بس الحد الأدنى لشرا الشهادة ألف دولار، يعني تربطها بالدولار هتاخد العائد بالجنيه المصري
والتانية شهادة دولارية لمدة 3 سنوات ذات عائد سنوي 7%، بس العـائـد ربع سنوي يصرف بالدولار الأمريكي.
وتقدر تحصل على قرض حتى 50% من قيمتها بالجنيه المصري بحد أقصى 10 ملايين جنيه بفائدة 2.25% أقل من سعر أقراض البنك المركزي.
ودلوقتي قولنا رايك إيه احسن شهادة موجودة في مصر من وجهة نظرك؟