حلت الفنانة ليلى أحمد زاهر، ضيفة في برنامج تفاعلكم، والذي كشفت فيه عن تفاصيل علاقتها بخطيبها الفنان هشام جمال.
وقالت ليلى زاهر: “هشام جمال راجل، ويمكن لو حد تاني غيره بابا مكنش هيتقبل الموضوع بالطريقة دي.”
ليلى أحمد زاهر تكشف موعد زفافها على هشام جمال
وأضافت:”أنا كان عندي فكرة أن بابا عمره ما هيجوزني، ولكن هشام أتكلم مع بابا وخرجني من الموضوع خالص، وهو دايما يشجعني ومبسوط بنجاحي وشه حلو عليا.”
وعن موعد حفل الزفاف، أجابت ليلى زاهر: “الفرح لسه متحددش ولكن هيكون قريب إن شاء الله.”
وفي وقت سابق، روى هشام جمال عن موقف حدث في كواليس مسلسل “في بيتنا روبوت”، لليلى زاهر.
وقال هشام: “ثاني يوم في تصوير المسلسل فوجئت إن في حد ماشي ورا ليلى في كل مكان، يخبط عليها ويقول أستاذ فلان عايزك علشان تراجعي معاه المشاهد، وفوجئت إنه صور مع ليلى تيك توك من غير ما تعرف، ونشر حاجات عن المسلسل”.
وتابع: “بدأت المعلومات توصل عندي، وطلع واحد غريب نازل يتدرب إخراج، ونزلت دورت عليه في اللوكيشن، وأخذ اللي فيه النصيب، وكان آخر يوم له معانا”.
من جانبها ردت ليلى قائلة: “أنا كنت مرعوبة في الموقف، هشام بالنسبالي شخص طيب، ومتخيلتش أشوف منه الوش ده ويطلع كده”.
وخلال اللقاء كشف هشام جمال، مفاجأة وهي أن صورة الاحتفال بقراءة فاتحته على الفنانة ليلى أحمد زاهر تم تسريبها دون علمه.
وأضاف: “الخطة كانت إن قراءة الفاتحة تبقى مقتصرة على أسرتها وأسرتي فقط، وليلة قراءة الفاتحة كلمت ليلى وفهمت إن في تحضيرات بتحصل، وقالت إنها حاجات بسيطة وشوية أكل وتظبيط لشكل المكان”.
اقرأ ايضا: