هاجمت الإعلامية مروة صبري، هشام نجل الموسيقار الراحل حلمي بكر، وذلك خلال تقديمها حلقة جديدة من برنامجها قعدة ستات.
وقالت مروة صبري: لما ابن يعرف إن أبوه عيان من سنة ومينزلش يشوفه دي حاجة عجيبة، لما تشوف أبوك عيان أجري عليه والحق يومين تبقى جنبه تبوس إيده وتقول له ادعيلي، ولو شايف إن مراته بتعذبه انزل الحقه.
وتابعت: هل إنت يا أستاذ هشام كنت مستني والدك يتوفى علشان تنزل وتدفنه، ولا إنت نازل علشان الورث.
كما هاجمت مروة، أرملة حلمي بكر سماح القرشي قائلة: “كل اللي حصل ده علشان إيه؟ علشان حضرتك يا أستاذة سماح عايزاه يكتب لك بيت تحت تأثير المرض، وعايزة تفضلي متخفظة عليه وتضغطي على أهله علشان تاخدي حقك، هو إحنا عايشين في دنيا ولا بقينا عايشين في غابة”.
يذكر أن عزاء الموسيقار حلمي بكر أقيم مساء أمس في مسجد الحامدية الشاذلية، بحضور وزيرة الثقافة نيفين الكيلاني، وأعضاء مجلس نقابة المهن الموسيقية، وفي مقدمتهم الفنان النقيب مصطفى كامل، ونادية مصطفى، وحلمي بكر، وعدد من الفنانين.