بدأ بـ20 مليون ويهبد على أم كلثوم بطريقة تمضحكة.يحصل على 25 ألف جنيه في الفرح اليي بيحييه، عنده حرفين واقعين ويجتاج جراحة في رجليه وبسبب أصحابه والسلف غير قادر على إجرائها.
وبيصرف على نفسه 5 آلاف جنيه في اليوم وخطيبته وراها حكاية هي كمان.. صندوق أسرار كروان مشاكل هيصدمك.
ولا فارقة معاه الناس تتريق عليه متتريقش مش مشكلة موظفة في شركة اتصالات معروفة هي اللي كانت سبب في شهرته راح يقدم على راوتر عشان يدخل النت في بيته واكتشفت طريقة كلامه اللي تضحك أصل عنده حرفين واقعين هما الهاء والذال واللي بيدخلوا على السين ويمكن تكتشفوا حروف أكتر من كده لو سمعتوه زي إنه بيقول على جورج وسوف شورش وسوف المهم هو صور الفيديو مع موظفة شركة الاتصالات دي ونشره على تيك توك جابله 20 مليون ومن وقتها حلف تكون دي السبوبة بتاعته اللي منها يتشهر والناس تعرفه.. وده اللي حصل لحد ما بقى كروان مشاكل ممثل في مسلسل بطن الحوت.
ماذا بعد؟
كروان مشاكل قرر يكون الـ20 مليون دي بدايته ويبني عليهم وخد التيك توك رايح راجع مسابش حاجة فيه غير لما عرفها قالك أنا عندي موهبة وربنا رزقني بيها أقوله لأ؟ أنا استغلتها ودي حتة فنية بقى وبدأت الحكاية معايا إني أتشهر أكتر وأقدم فني للجمهور رغم إنه بيلعب جولات مع الفنانين ومشاهير التيك توك وبيكسب فلوس كتير من ورا الموضوع ده.
قالك أنا بصرف في اليوم الواحد 5 آلاف جنيه بس صحابي عملولي مشاكل وضربوني على قفايا زي سوكا خطيب إنجي حمادة المذيعة دي رغم إني بسلفهم فلوس والدنيا حلوة ومأجل العملية بتاعتي في رجلي ولا حد قدّر ده ليا ولا حاجة بس أنا خلاص هبص لنفسي وهعمل العملية في رجلي عشان أبقى أحسن.
هبد على أم كلثوم
شايف نفسه من أشهر 10 أصوات في مصر وأحسن من حمو بيكا كمان رغم إنه اتفق معاه يعملوا أغاني مع بعض في الاستوديو بتاعه.. وكمان عشان بيتطلب في الأفراح وأقل فرح يطلعه بياخد فيه 25 ألف جنيه وقالك أنا أستحق وأكتر كمان بس الغريبة إن الناس بتدفع.
ما علينا كروان مشاكل هبد هبداية كده على أم كلثوم اللي كوكب الشرق دي وقالك والله دي كانت صاحبة جدتي وبتروج تقعد معاها طيب هي جدتك كانت قاعدة فين قالك لي حدايق القبة طيب وهي أم كلثوم كانت بتروح لحد عندها هناك عشان تقعد معاها.
أيوه طيب في صور معاك ولا حاجة قالك ولا في الكلام ده وأنا مش بهبد دي كانت صاحبتها وعشان تعرفوا الموهبة جاتلي إزاي رغم إن جدتي مكانتش فنانة ولا حاجة.
خطيبته والجوازة
من كام يوم كده كروان مشاكل اتورط في جوازة من المذيعة إنجي حمادة وقالت إنه اتجوزها ومضى على العقد هو فعلاً فيديو بينهم يقول إنهم اتجوزوا بس هو أنكر وقال دي امضاء مزيفة وأنا ممضتش على حاجة أنا كنت بساعدها عشان تخرج من الأزمة بتاعتها والفيديو اللي سربه ليها خطيبها سوكا.. بس ما علينا بقى أنا خطيبتي قالتلي ابعد عن إنجي حمادة دي وأنا سمعت كلامها ومش هعرفها تاني وخطيبتي ملهاش اي السوشال ميديا وعرفتها كده صدفة لا هي مشهورة ولا الكلام ده ولا ليها في التيك توك.
الساعات اللي فاتت مسلسل بطن الحوت اتصدر التريند وليه مكمل وده عشان مشاركة كروان مشاكل كوم في المسلسل وهو أصلا مش ممثل ولا دارس ولا أي حاجة وكل الحكاية إنه من مشاهير التيك توك وده اللي خلى نقيب الممثلين الفنان أشرف زكي يتدخل ويوقع غرامة وصلت مليون جنيه على الشركة المنتجة للمسلسل واشتكى المخرج في نقابة السينمائيين وده بعد ظهور كروان مشاكل في مشاهد مع الفنانة زينب غريب في المسلسل وظهوره كان ما بين مؤيد ومعارض عشان مش عضو في نقابة المهن التمثيلية وقالوا إن أشرف زكي لازم يتدخل بالذات إنه منع التعامل مع أي شخص مش نقابي.