فجرت الفنانة غادة عادل مفاجأة من العيار الثقيل بعد إعلان إمكانية زواجها مجددا بعد طلاقها من المخرج مجدى الهوارى وزواجه مرة أخرى وهو الأمر الذى أثار حالة من الجدل الواسع.
وقالت غادة عادل خلال تصريحات تلفزيونية: ممكن أتجوز وممكن لا.. ولسه مجدي كان بيكلمني من شوية.
وأضافت غادة عادل : لا للزواج مرة أخرى، لو هيأثر على ولادي آه لو فعلا الشخص ده هيكون مناسب وولادي مايبقوش متضايقين وفعلا يستحق أنه يبقى موجود في حياتنا ممكن أوافق.
غادة عادل وحياتها الخاصة
وحلت الفنانة غادة عادل ضيفة على برنامج “ألبوم صور” عبر محطة راديو إنرجي 92.1 ضمن خريطة برامج رمضان 2024.
وقالت الفنانة غادة عادل إنها تحب الخصوصية في حياتها، موضحة:” مبحبش حد يصور حياتي الخاصة.. وبفضل صورتي قدام الناس تكون حقيقية”.
وتحدثت غادة عادل عن طريقة التعامل في حياتها، مشيرة إلى أنها لا تحب الصور الثابتة وتعتبرها تنمر قائلة:” لو بعمل حاجة كويسة أو مش مقبولة هفضل زي منا”.
وأشارت غادة عادل إلى أنها تعيش حياتها بشكل طبيعي قائلة:” أنا إنسانة طبيعية تعيش حياة بعمل فيها كل حاجة وبطلت أبرر نفسي ومش ومحتاجة أوضح حاجة.. اللي عاوز يفهم غلط هو حر”.
وكشفت غادة عادل عن صدمتها في الكثير من الأشخاص في حياتها موضحة: “مش مسموح لحد يعمل لحياتي زووم.. وكتير قربت لناس واتصدمت وشفت في حياتي كتير ومبقتش بعمل حساب لحد ولو حد عاملني وحش ببعد عنه.. مبدأي في حياتي أكون على طبيعتي وعاوزة الناس تقبلني زي منا”.
واستطردت:” السوشيال ميديا لما زادت بقينا طول الوقت محطوطين تحت ضغط وأنا بقيت مش عاوزة اشوف حاجة حلوة أو وحشة.. الواحد من كتر ما شاف في حياته مبقاش عندي دماغ لكل ده”.
وأشارت إلى أن أسرتها مقربة منها موضحة: “ولادي أكتر حاجة منورة حياتي.. وحب الناس لما شغلي ينجح ورد فعل الناس دي الإضاءة اللي بتنور قلبي وعقلي وروحي”.
وكشفت غادة عادل عن مخاوفها قائلة: “زمان كنت بخاف من إني بكبر بس دلوقتي بعيش المرحلة وبستمتع بكل مرحلة في حياتي وكل وقت وله حلاوته”.
مقالات أخرى قد تهمك
بعد الإعلان رسميا.. أول ظهور لـ نجوى كرم وزوجها الجديد رجل الأعمال عمر الدهماني
لن تسقط.. ليلى عبداللطيف تكشف تنبؤات جديدة لـ شيرين عبدالوهاب