علقت الإعلامية مفيدة شيحة على أزمة الفنان بيومي فؤاد، بعد الهجوم الذي شنه على الفنان محمد سلام وقرار انسحابه من مسرحية “زواج اصطناعي”، التي عرضت في موسم الرياض.
وقالت مفيدة شيحة خلال تقديمها برنامج “الستات” : “نلوم موقف بيومي فؤاد اللي حصل إمبارح، وأنا لا ألومك على إنك تزعل من محمد سلام، لكن ألومك كمواطنة مصرية إنك تطلع على خشبة مسرح دولة أخرى وتلوم ممثل مصري آخر أخذ موقف في بلده بشأن شيء”.
“عايز بنط على قفاه”.. رسالة نارية من مفيدة شيحة لـ بيومي فؤاد
وأضافت: “فكرة إننا نتخانق أو نهزأ بعض برا بلدنا ده يقلل منا ولا يعلينا، وإوعى تفتكر إنك بالتصفيق اللي حصلت عليه إمبارح بقيت البطل المغوار”.
وتابعت: “حضرتك بقيمتك وسنك وتعليمك وحب الناس لك كنت ممكن تعمل لايف في بلدك تنتقد فيه محمد سلام، وكانت الناس هتحترمك”.
واختتمت: “اللي حضرتك عملته إمبارح إهانة لنا كلنا في موضوع يخصنا، وإنت مكنتش محتاج تكسب بنط على قفاه”.
وفي وقت سابق، ظهر بيومي فؤاد، في فيديو عبر إنستجرام، قال فيه: «من حقك أنك تعتذر عن المسرحية، لكن مش من حقك أنك تغلط في فنك”.
وتابع: “إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي”.
وأضاف: “محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا».
لمشاهدة الفيديو من هنا:
وأضاف بيومي فؤاد: “إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.”
اقرأ ايضا:
«مش محترم الفلسطينيين ليه؟».. هجوم ناري من ريهام سعيد على بيومي فؤاد