كشفت الفنانة أسماء جلال عن حبها الكبير للمطرب وائل جسار منذ صغرها.
وقالت أسماء جلال خلال لقائها في برنامج “معكم منى الشاذلي” على قناة ON: “بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها”.
تابعت: “بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه، وكنت ألبس فستان حتى لو الناس حواليا لابسة عادي عشان يشوفني، مع إنه متجوز .. فمش فاهمة أنا كنت بعمل ايه”.
وواصلت: “طبعا ولا أخد باله مني خالص لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده”.
كما تحدثت أسماء جلال عن حياتها الشخصية، موضحة أنها استمرت لعدة سنوات تحب شخصا، لكن من طرف واحد، ولم تكلل قصة الحب بالنجاح.
وتشارك أسماء جلال في موسم عيد الأضحى المقبل بفيلمين هما “ولاد رزق 3″ و”اللعب مع العيال”.
“ولاد رزق 3” يشارك في بطولته كل من أحمد عز، وعمرو يوسف، وكريم قاسم، وآسر ياسين، وسيد رجب، والملاكم العالمي تايسون فيوري، ونجوم الشرف: كريم عبد العزيز، وأحمد فهمي، ورزان مغربى، تأليف صلاح الجهيني، وإخراج طارق العريان.
كما يشارك في الفيلم عدد من النجوم الذين يظهرون بأحداثه لأول مرة ومنهم: علي صبحي، وأسماء جلال، وأحمد الرافعي، وفيدرا، ويغيب عن الجزء الثالث: أحمد الفيشاوي، وأحمد داود.
أضافت أسماء جلال أن هذا الشخص رفضها بإرادته، قائلة: “وأنا صغيرة حبيت شخص ما من طرف واحد، قعدت سنين كتير أوي بحبه بس هو مش عاوزني بإرادته”، ثم أضافت ضاحكة: “أموت وأعرف هو فين دلوقت”.