كشفت الفنانة أنوشكا السر وراء ابتعادها عن مجال الغناء، موضحة أن انشغالها بالأعمال الدرامية هي السر في ذلك.
وقالت خلال مداخلة هاتفية لأحد البرامج: “الفترة اللي جاية اهتمامي هيبقى للغناء ولكن لما يبقى عندنا عمل درامي مبقدرش أتحرك لأننا بنشتغل 17 ساعة متواصل في اليوم.. وأنا مبعدتش عن الغناء بخاطري والسنتين اللي جايين هركز على الغناء”.
وعلقت على أول تجربة سينمائية لها، قائلة: “أنا حاطة ايدي على قلبي علشان فيلم وش في وش لأنه أول فيلم طويل سعيدة به لأنه هينزل كمان أسبوع ومخضوضة وكإني داخلة امتحانات ثانوية عامة”.
وكانت الفنانة أنوشكا قد تحدثت عن فيلم “وش في وش” في أحد اللقاءات السابقة، وقالت: “سعيدة جدا ب وش في وش لأن دا يعتبر أول فيلم سينما بالنسبالي، قد ما أنا بحب المواضيع الاجتماعية الجادة جدا، بس الكوميديا شداني طالما مش كوميديا فارس، طالما مفيش أفورة في الطرح، وفي رسالة حلوة بتتقال، ورسالة جادة جدا بس مغلفة بشكل ظريف لطيف”.
وتابعت: “الفترة اللي فاتت مكانش فيه سينما أقدر الاقي نفسي فيها، المواضيع الاجتماعية بتشدني سواء مسلسل ولا فيلم ولا مسرح ولا إذاعة.. ايه الرسالة اللي بتتقال، ومبسوطة لأنه من بختي طلع فيلم”.
اقرأ أيضا:
فنانة شهيرة تفجر مفاجأة: «كنت مخطوبة لتامر حسني وطلب مني أسيب الفن»