حالة من الجدل الواسع، أثارها اللاعب عمرو وردة، الساعات الماضية ، بعد انهياره من البكاء خلال مداخله هاتفية ببرنامج “اللعيب” عبر قناة “mbc مصر”.
وقال عمرو وردة: ” منذ ازمتي في المنتخب والتي كنت وقتها صغير في السن واتعرض للشائعات، كلنا بنخطئ ومنذ حدوث الازمة بتبهدل وسفروني ايران وقبرص وانا عمري ما سافرت هاتين الدولتين”.
«أنا عندي مرض».. عمرو وردة ينهار أمام الجميع ويفجر مفاجاة
وأضاف باكيًا: “كل الحكايه روحت الرجاء المغربي وجالي مرض نفسي بتعرض لـpanic attac (لنوبات هلع) وفسخت عقدي، وكنت في المستشفى ورجعت على مصر”.
وتابع:” انا عندي 30 سنه مستاهلش كده وربنا بيسامح ليه بتقولوا عليا بفسخ تعاقدي مع اي نادي بوقع له، انا بقيت بتهته في الكلام، وباروح مستشفى خاصة علشان اتعالج “.
وأضاف: ” مش عاوزني العب كره وعاوزين تخلصوا عليا، خلاص ربنا موجود ليه كل ده بيحصل معايا، وممكن اسيب البلد انتم بتخلصوا عليه وبيجيلي ـpanic attac (نوبات هلع) وفاركو عارفين”.
وأكمل: “والله العظيم مش بتكلم علشان اكسب تعاطف لكن عندي اهلي وخطيبتي، والمفروض اكون في امان ببلدي ليه تضايقوني وتكلموا عليا”.
وفي وقت سابق، ذكر نادي الرجاء المغربي عبر صفحته الشخصية بموقع التواصل الاجتماعي: تم فسخ العقد بين نادي الرجاء واللاعب عمرو وردة بشكل رسمي.
أوضح النادي أن سبب فسخ العقد يعود للاعب، مؤكدا أنه لديه أسباب نفسية وشخصية.
وأضاف النادي: النادي سوف يحمي حقوقه بعد فسخ العقد من جانب اللاعب، وتم الاتفاق بين الطرفين، على أن يدفع اللاعب الشرط الجزائي المتفق عليه.