كشف المخرج هادي الباجوري، لأول مرة سبب طلاقه من الفنانة ياسمين رئيس، موضحًا أن الغيرة ليست السبب في الطلاق.
وأكد خلال لقائه ببرنامج “حبر سري” الذي تقدمه الإعلامية اسما إبراهيم بقناة “القاهرة والناس”:”كان فيه مقابلة تليفزيونية واتسألت عن موقفي لو مراتي ياسمين رئيس جاءت في مشهد به قبلة ترفض ولا توافق فكنت لسه عامل فيلم قمر 14 وكان فيه مشهد قبلة ما بين شيرين وخالد، فقلت أوافق طبعا، لأن ده تمثيل وموضوع الطلاق ملهوش علاقة بالغيرة من عدمه”.
وتابع:”لو السياق الدرامي للعمل يتطلب إن مراتي تشارك في قبلة مفيش مشكلة طالما أنها تخدم العمل”.
ولفت:”ليس صحيحا ان ارتداء ياسمين رئيس الكعب العالي تسبب في إحراجي بأحد المهرجانات، انا ابقى مبسوط لما مراتي أو خطيبتي أو صاحبتي يبقى شكلها حلو والناس يبقوا شايفينها بشكل حلو ولو أطول مني يبقى كويس لأن الطول جزء من الجمال”.
وأشار:”انا مبحبش أثير الجدل وطول عمري في حالي، ومش بحب اعمل مقابلات ولا اطلع في برامج، وانا في مرحلة في حياتي مكنتش عايز أرتبط ولا أعمل عيلة، وانا اتجوزت مرتين بس مكنتش رغبتي اني اتجوز وعلاقتي بابني الحمد لله بموت فيه وهو بيموت فيا وإحنا اصحاب، ولما جاء ابني وجهة نظري في الحياة كلها اتغيرت وبقيت افكر في المستقبل، لأني كنت عايش في بيت ايجار ومكنتش عايز أملاك ولا كنت أملك حاجة وكل ده اتغير في خلال الـ9 سنين اللي ابني جاء فيهم”.
مقالات أخرى قد تهمك
مفاجأة عن من هو زوج الفنانة نادية شكري المعروفة بعجوز مسلسل “جودر”
فريدة سيف النصر تسخر من دورها في “العتاولة”.. ومفاجأة عن طارق لطفي