أعلنت الفنانة داليا البحيري إصابتها بتمزق في صباع الإبهام، أثناء عرضها مسرحية سيدتي أنا، مما أدى إلى نقلها للطوارئ بأحد المستشفيات، وذلك خلال منشور عبر حسابها على “انستجرام”.
وكتبت داليا البحيري: “حادثة صغيرة على ماقسم كده اختل توازني على المسرح ووقعت واقعة جامدة حبيتين.. نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها يا ختي.”
تفاصيل سقوط داليا البحيري على المسرح ونقلها للمستشفى
وأضافت داليا البحيري:” فكل ده تمام وألف حمد وألف شكر إنها بتيجي على قد كده.. المشكلة بقى يا جماعة في إني اكتشفت إني مش عارفة اعمل أي حاجة بمعني أي حاجة من غير الصباع ده.. “.
وتابعت: “لا عارفة البس ولا اقلع ولا افتح ازازة المايه مش عارفة اشيل حاجة مش عارفة افتح باب العربية ومش عارفة أسرح شعري ولا أغسل وشي ولا أي حاجة.. وكمان مش عارفة اعمل scroll مش عارفة اعمل like.. آه والله الـ Like بتوجعني جدا.. بس برضو الحمد لله دائمًا وأبدًا.. ما يقع إلا الشاطر. ”
وتنتظر داليا البحيري طرح فيلمها السينمائي الجديد “أولاد حريم كريم” بجميع دور العرض يوم 30 أغسطس الجاري.
فيلم “أولاد حريم كريم” بطولة مصطفى قمر، داليا البحيري، بسمة، علا غانم، خالد سرحان، عمرو عبدالجليل، بشرى، بالإضافة إلى مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم؛ وتأليف زينب عزيز وإخراج علي إدريس.