كشف المخرج مرقس عادل تفاصيل اللحظات الأخيرة في حياة المنتجين حسام شوقي، وفتحي إسماعيل ومحمود كمال قبل وفاتهم بساعات، إثر تعرضهم لحادث سير مروع على طريق الضبعة.
وكتب مرقس عادل عبر حسابه الشخصي بموقع تبادل الصور والفيديوهات انستجرام: يا وجع القلب، أنا مصدوم ومش فاهم، ومش عارف استوعب، إمبارح بليل لسه مكلمني فتحي إسماعيل في التليفون وبنهزر ولسه بيحلم، ومن كام يوم قاعدين بنتكلم عن بكرة والمستقبل ولسه بتكلم مع أستاذ حسام وبندردش في بكرة، واللي جاي ومش عارف أنسى كلمة متقلقش يا دكتور، ولا كلمة واحشني يا دكتور، ومتتعبنيش معاك هتعملي فيها مش عارف إيه.
وأضاف مرقس عادل: محمود كمال الطيب المحترم اللي دايما كان بيسأل عليا بكل ود وحب واحترام، حقيقي مصدوم هتوحشوني أوي، أشهد قدام الله كنتم أجمل وأجدع وأرجل الناس.
وفاة المنتجين حسام شوقي ومحمود كمال وفتحي إسماعيل
ونعت الشركة المتحدة للخدمات الإعلامية المنتجين حسام شوقي ومحمود كمال وفتحي إسماعيل، والذين لقوا حتفهم في حادث سير مروع على طريق الضبعة، ومن المقرر كشف موعد الجنازة خلال الساعات المقبلة.
وجاء بيان الشركة المتحدة، كالتالي: تنعى الشركة المتحدة للخدمات الإعلامية، الزملاء حسام شوقي، وفتحي إسماعيل، ومحمود كمال جمال الدين، العاملين بشركة سينرجي، والذين وافتهم المنية إثر حادث أليم، داعية المولى عز وجل أن يلهم أسرهم وذويهم الصبر والسلوان، وتتقدم الشركة والعاملون بها بخالص العزاء لأسر المتوفين.
مقالات أخرى قد تهمك
تامر فتحي يلحق بأصدقائه الثلاثة.. ومفاجأة في اللحظات الأخيرة له