حل الفنان رامي جمال، الساعات الماضية، ضيفًا مع الإعلامية أسما إبراهيم ببرنامج “حبر سري”، المُذاع عبر شاشة “القاهرة والناس”.
وخلال اللقاء، كشف رامي جمال أن لديه مشكلة لها علاقة بالإنجاب، قائلا: «كان نفسي يكون عندي أطفال وربنا يبارك في كل اللي ربنا رزقهم، وأولاد اخواتي هم أولادي وبحبهم من قلبي، ومش بفكر في الموضوع زي الأول، ولكن كل همي زوجتي لأنها لا تعانى من عدم الإنجاب».
رامي جمال يكشف عن مشكلة في الإنجاب
وأضاف: “قلت لزوجتي ناريمان، إحنا عايشين مرة واحده مفيش وقت تعملي جدعة، وتضيعي حلم الأمومة، الراجل ممكن يعيش عادي، لكن الست اتخلقت عندها غريزة الأمومة رقم 1، وعمري ما هشوفك قليلة الأصل لو مشيتي”.
فكان ردها: «كل أنواع الرزق بتيجي لكل شخص لوحده إلا الخلفة ده رزق مربوط بالاتنين، لو مكتوب لي أخلف فاهخلف منك ابن، ولو مش مكتوب لي واتجوزت من شخص آخر ممكن ماخلفش بس هكون خسرت الإنسان اللي بحبه».
واختتم: ““أنا راضي يارب والله واللي يضايقني أن عدم الإنجاب يسبب مشكلة لأهلي وزوجتي، وبتمنى الإنجاب ولكن لم يشغل تفكيري الآن، الحمد ليس في العطاء فقط وإنما في المنع أيضا، وعدم الإنجاب شيء لا يزعجني كثيرا، لان الإنسان لا يحصل على كل شيء”.
وفي وقت سابق، علق رامي جمال على تصريحات الملحن عمرو مصطفى بشان أنه هو المبدع والمغني عبارة عن أداه: “لا طبعًا أرفض الكلام ده أعوذ بالله”.
وتابع “مفيش حاجة في الدنيا متوقفة على شخص، والملحن الشاطر من غير كلمة وشاعر شاطر أداه، ومن غيرموزع شاطر أداه، والمطرب الشاطر هو الفاترينه اللي من خلالها عرف وقدر يكون شاطر”.
وواصل “في نوع من النرجسية انا مبحبوش، لكن لسة مين مزعلوش.. مبقاش عنده حد لسة مزعلوش عاب في كل زمايله، والأحسن بدل مانعيبش في بعض نكبر بعض أحسن”.
اقرأ ايضا:
«أقسم بالله لو شفتك ههزأك».. عمرو مصطفى يهين رامي جمال على الملأ